"Roskosmos" korporatsiiasynyń ókili Igor Býrenkov SpaceX kompaniiasynyń asa aýyr Falcon Heavy zymyranynyń ushyrylýyn sátti jarnama aktsiiasy dep atady. Bul týraly ol "Eho Moskvy" radiostantsiiasynyń efirinde málimdedi, dep jazady kaz.tengrinews.kz.
Onyń aitýynsha, zymyrannyń ushyrylýy Tesla elektrmobilderi aktsionerleriniń jiyny qarsańynda ádeii qabyldanǵan sheshim. Býrenkov Tesla kompaniiasynyń 2017 jyldyń úshinshi maýsymy qorytyndysy boiynsha 620 million dollar shyǵynǵa batqan qarjy kórsetkishterine toqtaldy.
"Biznespen jaqsy ainalysatyn, óz kásibine qosymsha investitsiia tartýǵa múddeli jeke kompaniialar bar. Osyǵan orai olar túrli promoaktsiialar uiymdastyrady. Baiqasańyzdar, bul zymyran jái ǵana ushyp qoiǵan joq, kólikpen birge ushyryldy", - dep keltiredi RBK "Roskosmos" ókiliniń sózin.
Júrgizýshiniń Ilon Mask elektrmobilin jarnamalady ma degen suraǵyna suhbattasýshy "Taiaýda kezekti jiyndary ótedi, bul sharýany tezirek yńǵailaý kerek degen sóz, al Tesla jaǵdaiy máz emes, muny bári biledi" dep jaýap berdi. Sondai-aq, ol zymyran ushyrylýyn "óte jaqsy ádis" dep atady.
Eske salaiyq, 6 aqpanda amerikalyq milliarder ári ónertapqysh Ilon Masktyń SpaceX kompaniiasynyń jańa qýatty Falcon Heavy zymyran-tasyǵyshy sátti ushyrylǵan edi. Bortta Tesla Roadster sporttyq kóligi boldy. Zymyran-tasyǵysh Astana ýaqyty boiynsha saǵat 2.45-te Florida shtaty Kanaveral ǵarysh ailaǵynan ushyryldy.
Jospar boiynsha, Tesla Mars pen Jerdiń geliotsentrikalyq orbitasyna jetkizilýi tiis edi. Alaida esepteýlerdegi qatelikten elektrmobil orbitadan shyǵyp ketip, Mars pen Iýpiter arasyndaǵy asteroidtar beldeýine qarai ushyp ketti.
Falcon Heavy ushyrylýyn kópshiligi tarihi oqiǵa ári kosmonavtikadaǵy jańalyq dep baǵalaǵan. Mamandardyń aitýynsha, jańa zymyran az qarajatpen orbitaǵa kóptonnalyq júkterdi shyǵarýǵa múmkindik beredi.
Aita keteiik, Falcon Heavy Falcon 9 bazasynda jasalady. Ol basqarylatyn Dragon V2 kemesine tasymaldaýshy bolady, onymen ǵaryshtyq týrister ai orbitasymen ushyp ótedi. Sonymen qatar, raketa Marsqa Masktyń jeke kóligi Tesla Roadster-di jiberedi. Tasymaldaýshy 63,8 tonna júkti jetkize alady, ony ushyrýdyń quny - 90-120 million dollar.
