رەسەيلٸك "سپۋتنيك V" ۆاكتسيناسىن قارجىلاندىرۋشىلار مەن جاساۋشىلار حالىقارالىق نارىقتا ەكپەنٸڭ ەكٸ دوزاسى 20 دوللارداي بولادى, ال رەسەيلٸكتەر تەگٸن الادى دەپ مەلٸمدەدٸ. بٸر ادام بۇل ەكپەنٸڭ ەكٸ دوزاسىن الۋى تيٸس. رەسەيلٸك ەكپەنٸڭ ەلەمدٸك نارىقتاعى باعاسى 24 قاراشادا جارييالاندى.
"سپۋتنيك V" ەكپەسٸ Pfizer ۆاكتسيناسىنان (ەكٸ دوزاسى 31 ەۋرو) ارزان, بٸراق وكسفورد پەن AstraZeneca ۆاكتسيناسىنان (بٸر دوزاسى 3 دوللار) قىمبات.
رەسەيدٸڭ تەۋەلسٸز قورى (رفپي) مەلٸمدەمەسٸندە مەسكەۋ مەن ونىڭ شەتەلدەگٸ سەرٸكتەستەرٸ كەلەسٸ جىلى 500 ملن ادامعا جەتەتٸن بٸر ميللياردتان اسا دوزا جاساۋعا قاۋقارلى دەپ مەلٸمدەدٸ.
24 قاراشادا رفپي, رەسەي دەنساۋلىق ساقتاۋ مينيسترلٸگٸ جەنە "سپۋتنيك V" ۆاكتسيناسىن جاساعان مەملەكەت قارجىلاندىراتىن گامالەي اتىنداعى ۇلتتىق ورتالىق ەكپە 28 كٷننەن سوڭ 91,4 پايىز, 42 كٷننەن سوڭ 95 پايىز تيٸمدٸلٸك كٶرسەتكەنٸن مەلٸمدەدٸ.
ولار سىناق كەزٸندە 22 مىڭ ەرٸكتٸ بٸر دوزا, 19 مىڭ ەرٸكتٸ ەكٸ دوزا العانىن مەلٸمدەدٸ. گامالەي اتىنداعى ورتالىقتىڭ دەرەگٸنشە, سىناق رەسەي, باە, ۆەنەسۋەلا, بەلارۋستە ٶتكەن.
وسىعان دەيٸن امەريكالىق-گەرمانييالىق Pfizer/BioNTech, امەريكالىق Moderna جەنە انگلييادا وكسفورد پەن AstraZeneca ٶزدەرٸنٸڭ ۆاكتسيناسى 95 پايىز تيٸمدٸلٸك كٶرسەتكەنٸن مەلٸمدەگەن.
16 قاراشادا قازاقستان پرەزيدەنتٸ قاسىم-جومارت توقاەۆ كوروناۆيرۋسپەن كٷرەس بويىنشا جيىندا ەلدە رەسەيلٸك ۆاكتسينانى دايىندايتىن زاۋىت سالۋ جوسپارى بارىن مەلٸمدەگەن.
