قازاقستان قىرعىز ازاماتتارىنىڭ رەسەيدەن ترانزيت ارقىلى ٶتۋٸنە رۇقسات بەردٸ. بۇل تۋرالى قر سىرتقى ٸستەر مينيسترلٸگٸ تاراتقان اقپاراتتا ايتىلعان, دەپ حابارلايدى "ۇلت اقپارات".
«قازاقستان رەسپۋبليكاسىنىڭ سىرتقى ٸستەر مينيسترلٸگٸ قىرعىز رەسپۋبليكاسى ازاماتتارى ٷشٸن ترانزيتتٸ قامتاماسىز ەتۋ مەسەلەلەرٸ بويىنشا كەلەسٸنٸ حابارلايدى. وسى جىلدىڭ 17 مامىرىندا قازاقستان رەسپۋبليكاسىنىڭ سىرتقى ٸستەر مينيسترلٸگٸنٸڭ اتىنا قىرعىز رەسپۋبليكاسىنىڭ ەلشٸلٸگٸنەن رەسەي فەدەراتسيياسىنان قىرعىز رەسپۋبليكاسىنىڭ ازاماتتارىن شىعارۋ ٷشٸن قازاقستان رەسپۋبليكاسىنىڭ اۋماعىندا ترانزيتتٸك دەلٸز قامتاماسىز ەتۋ جٶنٸندە نوتا جٸبەرٸلدٸ.
بيىلعى 18 مامىردا قر ٷكٸمەتٸ جانىنداعى كوروناۆيرۋستىڭ تارالۋىنا جول بەرمەۋ مەسەلەلەرٸ جٶنٸندەگٸ ۆەدومستۆوارالىق كوميسسييانىڭ وتىرىسىندا اتالعان ٶتٸنٸشكە سەيكەس, رەسەي فەدەراتسيياسىنىڭ ورىنبور وبلىسىندا جٷرگەن قىرعىز رەسپۋبليكاسى ازاماتتارى ٷشٸن قازاقستان رەسپۋبليكاسىنىڭ اۋماعىندا جولاۋشىلار كٶلٸگٸن قامتاماسىز ەتۋ شارتىمەن بايلانىسسىز كٶلٸك دەلٸزٸن ۇسىنۋ تۋرالى وڭ شەشٸم قابىلداندى. قازٸرگٸ ۋاقىتتا قىرعىز تاراپى كٶلٸكپەن قامتاماسىز ەتۋ مەسەلەسٸن شەشٸپ جاتىر», - دەلٸنگەن مينيسترلٸك تاراتقان اقپاراتتا.
وسى ورايدا قر سىرتقى ٸستەر مينيسترلٸگٸ قىرعىز تاراپىنا جان-جاقتى قولداۋ كٶرسەتەتٸندٸگٸن اتاپ ٶتەدٸ.
