Qazaqstan qyrǵyz azamattarynyń Reseiden tranzit arqyly ótýine ruqsat berdi. Bul týraly QR Syrtqy ister ministrligi taratqan aqparatta aitylǵan, dep habarlaidy "Ult aqparat".
«Qazaqstan Respýblikasynyń Syrtqy ister ministrligi Qyrǵyz Respýblikasy azamattary úshin tranzitti qamtamasyz etý máseleleri boiynsha kelesini habarlaidy. Osy jyldyń 17 mamyrynda Qazaqstan Respýblikasynyń Syrtqy ister ministrliginiń atyna Qyrǵyz Respýblikasynyń Elshiliginen Resei Federatsiiasynan Qyrǵyz Respýblikasynyń azamattaryn shyǵarý úshin Qazaqstan Respýblikasynyń aýmaǵynda tranzittik dáliz qamtamasyz etý jóninde nota jiberildi.
Biylǵy 18 mamyrda QR Úkimeti janyndaǵy koronavirýstyń taralýyna jol bermeý máseleleri jónindegi vedomstvoaralyq komissiianyń otyrysynda atalǵan ótinishke sáikes, Resei Federatsiiasynyń Orynbor oblysynda júrgen Qyrǵyz Respýblikasy azamattary úshin Qazaqstan Respýblikasynyń aýmaǵynda jolaýshylar kóligin qamtamasyz etý shartymen bailanyssyz kólik dálizin usyný týraly oń sheshim qabyldandy. Qazirgi ýaqytta qyrǵyz tarapy kólikpen qamtamasyz etý máselesin sheship jatyr», - delingen ministrlik taratqan aqparatta.
Osy oraida QR Syrtqy ister ministrligi qyrǵyz tarapyna jan-jaqty qoldaý kórsetetindigin atap ótedi.
