21 سەۋٸردە رەسەي قالالارىندا پوليتسييا بەلسەندٸلەر مەن جۋرناليستەردٸ تٸنتٸپ, جاپپاي ۇستاي باستادى. سەرسەنبٸ كٷنٸ ەلدٸڭ كٶپ قالاسىندا وپپوزيتسييالىق ساياساتكەر الەكسەي ناۆالنىيدى قولداۋ اكتسيياسى ٶتەدٸ دەپ حابارلانعان.
ازاتتىقتىڭ ورىس قىزمەتٸنٸڭ حابارلاۋىنشا, مەسكەۋدە وپپوزيتسيونەر ليۋبوۆ سوبولدٸ پوليتسييا مەترو ستانتسيياسى ماڭىنان ۇستاعان. بۇل تۋرالى Twitter-دە ونىڭ ادۆوكاتى ۆلاديمير ۆورونين حابارلادى. ونىڭ سٶزٸنە قاراعاندا, پوليتسەيلەر سوبولدٸ تاكسيدە وتىرعان جەرٸنەن ۇستاپ ەكەتكەن.
مەسكەۋدە سونىمەن بٸرگە الەكسەي ناۆالنىيدىڭ باسپاسٶز حاتشىسى كيرا يارمىش تا ۇستالعان. ادۆوكاتى ۆەرونيكا پولياكوۆانىڭ سٶزٸنشە, يارمىش تەرگەۋشٸلەر شىعۋعا رۇقسات ەتكەن ۋاقىتتا – 10 مەن 11 ارالىعىندا دٷكەنگە شىققان كەزدە ۇستالعان.
سوبول مەن يارمىش قاڭتار ايىنداعى الەكسەي ناۆالنىيدى قولداۋ اكتسيياسىنا قاتىستى قوزعالعان ٸستە ايىپتالۋشى رەتٸندە تانىلعان. ولارعا سانيتارلىق-ەپيدەميولوگييالىق ەرەجەلەردٸ بۇزدى دەگەن ايىپ تاعىلىپ وتىر.
سانكت-پەتەربۋرگە پوليتسييا كەمٸندە التى بەلسەندٸنٸڭ ٷيٸنە تٸنتۋ جٷرگٸزگەن. اقپاراتقا قاراعاندا, تٸنتۋ قاڭتار ايىنداعى ناۆالنىيدى قولداۋ اكتسيياسى كەزٸندەگٸ جولدىڭ جابىلۋىنا قاتىستى ٸسپەن بايلانىستى. بەلسەندٸلەردٸڭ پروتسەسسۋالدىق ستاتۋسى ەزٸرگە بەلگٸسٸز.
بۇعان قوسا, نيجنيي نوۆگورود, روستوۆتاعى-دون, يركۋتسك جەنە ٶزگە قالالاردا پوليتسييانىڭ بەلسەندٸلەردٸ ۇستاپ جاتقانى تۋرالى اقپارات سەت سايىن تٷسٸپ جاتىر. كراسنويارسك تۇرعىنى الەكساندر پيسماندى 20 سەۋٸردە كەشكە پوليتسييا ۇستاپ ەكەتكەن. "وۆد-ينفو" سايتىنىڭ جازۋىنشا, سودان بەرٸ بەلسەندٸدەن حابار جوق. پيسمان فەيسبۋكتا "پوليتسيياعا اپارا جاتىر. ەكسترەميستٸك بٸردەڭە دەيدٸ..." دەپ جارتىسى اياقتالماعان پوست جازىپ ٷلگەرگەن. 18 سەۋٸردە ول پاراقشاسىندا الەكسەي ناۆالنىيدى قولداۋ اكتسيياسى جايلى حابارلاندىرۋ ٸلگەن.
مەسكەۋدە پوليتسييا SOTA باسىلىمىنىڭ تٸلشٸسٸ سەرگەي كۋوكۋگە ميتينگٸگە قاتىسپاۋ جايلى ەسكەرتۋ جاساعان.
- ناۆالنىيدىڭ جاقتاستارى 31 ناۋرىزدان بەرٸ تٷرمەدە اشتىق جارييالاپ جاتقان الەكسەي ناۆالنىيدى قولداۋ اكتسيياسىن ٶتكٸزەتٸنٸن حابارلاعان. ناۆالنىي ٶزٸنە تەۋەلسٸز دەرٸگەردٸ جٸبەرۋٸن تالاپ ەتٸپ وتىر. وسىعان دەيٸن دەرٸگەرلەر ونىڭ جاعدايىنىڭ جىلدام ناشارلاپ بارا جاتقانىن حابارلاعان.
- رەسەي باس پروكۋراتۋراسى مەن ٸشكٸ ٸستەر مينيسترلٸگٸ ازاماتتارعا رۇقسات ەتٸلمەگەن ميتينگٸگە قاتىسپاۋ قاجەتتٸگٸن ەسكەرتٸپ, قىلمىستىق كودەكستەگٸ جاپپاي تەرتٸپسٸزدٸك بويىنشا ٸس قوزعالۋى مٷمكٸن ەكەنٸن ايتقان.
