روسكوسموس كوميسسيياسى فەدەرالدى عارىش باعدارلاماسى, فەدەرالدى ماقساتتى باعدارلامالار, 2016 جىلدىڭ قىركٷيەك-جەلتوقسان ايلارىنا ارنالعان حالىقارالىق ىنتىماقتاستىق جەنە كوممەرتسييالىق جوبالار باعدارلامالارى اياسىندا عارىش اپپاراتتارىن ۇشىرۋدىڭ جوسپارىن بەلگٸلەدٸ, دەپ حابارلايدى رەسەي عارىش مەكەمەسٸنٸڭ باسپاسٶز قىزمەتٸ. بۇل تۋرالى قازاقپارات جازدى.
بۇل كەزەڭدە حالىقارالىق عارىش ستانساسى باعدارلاماسى بويىنشا, بايقوڭىر عارىش ايلاعىنان 3 زىمىران ۇشىرۋ جوسپارلانۋدا.
2016 جىلى 23 قىركٷيەكتە «سويۋز مس-02» كٶلٸكتٸك باسقارىلاتىن كەمەسٸمەن بٸرگە «سويۋز-فگ» تاسىعىش-زىمىرانى ۇشىرىلادى. كەلەسٸ ايدا, 20 قازان كٷنٸ «پروگرەسس مس-04» كٶلٸكتٸك باسقارىلاتىن كەمەسٸمەن بٸرگە «سويۋز-ۋ» تاسىعىش-زىمىرانىنىڭ ۇشىرىلاتىنى بەلگٸلٸ بولدى. 2016 جىلدىڭ 16 قاراشاسىندا كەزەكتٸ ەكيپاج حالىقارالىق عارىش ستانساسىنا اتتانادى: بۇل كٷنٸ «سويۋز مس-03» كٶلٸكتٸك باسقارىلاتىن كەمەسٸمەن بٸرگە «سويۋز-فگ» تاسىعىش-زىمىرانى ۇشىرىلادى.
بايقوڭىر عارىش ايلاعىنان «بريز-م» جٷردەك بٶلٸمٸ جەنە Echostar-21 امەريكالىق عارىش اپپاراتىمەن بٸرگە «پروتون-م» تاسىعىش-زىمىرانىنىڭ ۇشۋ كٷنٸ بەكٸتٸلدٸ. ۇشىرۋ 3 قاراشاعا بەلگٸلەندٸ. بۇعان دەيٸن بۇل ۇشۋدىڭ ەكٸ رەت كەيٸنگە قالدىرىلعانى حابارلانعان ەدٸ.
2016 جىلدىڭ 22 جەلتوقسانىندا بايقوڭىر ايلاعىنان «كانوپۋس-ۆ-يك» عارىش اپپاراتىمەن بٸرگە «سويۋز-2.1ا» تاسىعىش-زىمىرانىنىڭ ۇشىرىلۋىمەن روسكوسموستىڭ جىلدىق باعدارلاماسى اياقتالادى.
