Roskosmos komissiiasy Federaldy ǵarysh baǵdarlamasy, Federaldy maqsatty baǵdarlamalar, 2016 jyldyń qyrkúiek-jeltoqsan ailaryna arnalǵan halyqaralyq yntymaqtastyq jáne kommertsiialyq jobalar baǵdarlamalary aiasynda ǵarysh apparattaryn ushyrýdyń josparyn belgiledi, dep habarlaidy Resei ǵarysh mekemesiniń baspasóz qyzmeti. Bul týraly QazAqparat jazdy.
Bul kezeńde Halyqaralyq ǵarysh stansasy baǵdarlamasy boiynsha, Baiqońyr ǵarysh ailaǵynan 3 zymyran ushyrý josparlanýda.
2016 jyly 23 qyrkúiekte «Soiýz MS-02» kóliktik basqarylatyn kemesimen birge «Soiýz-FG» tasyǵysh-zymyrany ushyrylady. Kelesi aida, 20 qazan kúni «Progress MS-04» kóliktik basqarylatyn kemesimen birge «Soiýz-Ý» tasyǵysh-zymyranynyń ushyrylatyny belgili boldy. 2016 jyldyń 16 qarashasynda kezekti ekipaj Halyqaralyq ǵarysh stansasyna attanady: bul kúni «Soiýz MS-03» kóliktik basqarylatyn kemesimen birge «Soiýz-FG» tasyǵysh-zymyrany ushyrylady.
Baiqońyr ǵarysh ailaǵynan «Briz-M» júrdek bólimi jáne Echostar-21 amerikalyq ǵarysh apparatymen birge «Proton-M» tasyǵysh-zymyranynyń ushý kúni bekitildi. Ushyrý 3 qarashaǵa belgilendi. Buǵan deiin bul ushýdyń eki ret keiinge qaldyrylǵany habarlanǵan edi.
2016 jyldyń 22 jeltoqsanynda Baiqońyr ailaǵynan «Kanopýs-V-IK» ǵarysh apparatymen birge «Soiýz-2.1a» tasyǵysh-zymyranynyń ushyrylýymen Roskosmostyń jyldyq baǵdarlamasy aiaqtalady.
