رەسەي قورعانىس مينيسترلٸگٸ گيپەرداۋىستى جىلدامدىقتا جۇمىس ٸستەيتٸن, قۋاتتى زىمىراندى سىناقتان ٶتكٸزدٸ. بۇل تۋرالى Baq.kz CNN باسىلىمىنا سٸلتەمە جاساپ حابارلايدى.
«رەسەي اۋا-عارىش كٷشتەرٸ ميگ-31 زىمىرانىنىڭ ەكيپاجى ەسكەري گيپەرداۋىستى جىلدامدىقتا جۇمىس ٸستەيتٸن, قۋاتتى زىمىراندى سىناقتان ٶتكٸزدٸ. زىمىران تەحنيكالىق تالاپتارعا ساي» دەلٸنگەن حابارلامادا.
رەسەي قورعانىس مينيسترلٸگٸ «قانجار» دەپ سيپاتتاعان زىمىراندى شىعاردى. ۆيدەو كادرلارى ەسكەري تٸكۇشاق پەن زىمىراندى كٶرسەتۋ ماقساتىندا جاسالىپ وتىر. زىمىراننىڭ كەيبٸر بٶلٸكتەرٸ ەدەيٸ جاسىرىلعان.
«جەردە دە, تەڭٸزدە دە ٸسكە قوسىلا بەرەتٸن قارۋ سىنالىپ, ماقساتتى تٷردە بەلگٸلەنگەن پوليگونداعى نٷكتەگە جەتتٸ. ال ۇشۋى قالىپتى جاعدايدا ٶتتٸ. رەسەي ەسكەري قىزمەتكەرلەرٸ وسى زىمىرانمەن كەز كەلگەن اۋا رايىندا, تٷندە دە, كٷندٸز دە جۇمىس ٸستەي الادى, ولار ەبدەن شىنىققان. ميگ-31 ۇشاعى جاز مەزگٸلٸنە ساي بولعاندىقتان, «قانجاردىڭ ەلەمدە بالاماسى جوق» دەپ مينيسترلٸك اقپارات تاراتتى.
18 ناۋرىزدا رەسەي فەدەراتسيياسى پرەزيدەنتٸنٸڭ سايلاۋى ٶتكٸزٸلەدٸ. جىل سايىنعى حالىققا جولداۋىندا بيىل پۋتين رەسەيدٸڭ «جاڭا, يادرولىق زىمىراندى ويلاپ تاپقانىن, ونىڭ مٷمكٸندٸگٸ شەكسٸز ەكەنٸن, جەڭٸلٸسكە ۇشىرامايتىنىن» اتاپ ٶتتٸ. «رەسەي بۇرىنعىشا ەلەمدەگٸ ەڭ ٷلكەن يادرولىق بازاسى بار ەل, بٸراق بٸزدٸ ەشكٸم تىڭداعان جوق. دەل قازٸر تىڭداڭىزدار» دەدٸ ۆ.پۋتين.
ال اقش قورعانىس مينيسترٸ دجەيمس مەتتيس پۋتيننٸڭ بۇل سٶزٸنە قاتىستى ٶز ويىن بٸلدٸردٸ. «مەن رەسەي ەسكەري جٷيەسٸنە ەنگەن ايتارلىقتاي ٶزگەرٸستٸ بايقاعان جوقپىن. ولار قانشاما قاراجاتتى قارۋلانۋ ماقساتىندا قۇربان ەتٸپ جٷر, ٶز-ٶزدەرٸمەن جارىسىپ ەلەك. رەسەي حالقى ٷشٸن جۇمسالاتىن قاراجات بوسقا كەتۋدە. مەن ٷشٸن بۇل زىمىران ەشقانداي دا ٶزگەرٸس ەمەس» دەدٸ.
اقش مەملەكەتتٸك دەپارتامەنتٸنٸڭ حاتشىسى حيزەر ناۋەرت بولسا, دەپارتامەنت شەنەۋنٸكتەرٸنٸڭ پۋتيننٸڭ جولداماسىن تىڭداعانىن ايتادى. «پۋتين قارۋدى كٶرسەتۋ ارقىلى اقش-قا قارسى يادرولىق سوققى جاسايتىنىن بٸلدٸردٸ. بۇل, ەرينە, بٸزگە ۇنامايدى. پۋتيننٸڭ سٶزدەرٸن جاۋاپتى حالىقارالىق ويىنشى رەتٸندە باعالاي المايمىز» دەدٸ.
رەسەي قورعانىس مينيسترلٸگٸ جاڭا ارسەنالىنا ات قويۋ ٷشٸن ۆەب-پاراقشانى ٸسكە قوسىپ, قوعامنىڭ بەلسەندٸ بولۋىن سۇراۋدا.
رەسەي "جەڭٸلٸس تاپپايتىن" زىمىرانىن سىناقتان ٶتكٸزدٸ (ۆيدەو)
