Resei Qorǵanys Ministrligi giperdaýysty jyldamdyqta jumys isteitin, qýatty zymyrandy synaqtan ótkizdi. Bul týraly Baq.kz CNN basylymyna silteme jasap habarlaidy.
«Resei aýa-ǵarysh kúshteri Mig-31 zymyranynyń ekipajy áskeri giperdaýysty jyldamdyqta jumys isteitin, qýatty zymyrandy synaqtan ótkizdi. Zymyran tehnikalyq talaptarǵa sai» delingen habarlamada.
Resei Qorǵanys Ministrligi «qanjar» dep sipattaǵan zymyrandy shyǵardy. Video kadrlary áskeri tikushaq pen zymyrandy kórsetý maqsatynda jasalyp otyr. Zymyrannyń keibir bólikteri ádeii jasyrylǵan.
«Jerde de, teńizde de iske qosyla beretin qarý synalyp, maqsatty túrde belgilengen poligondaǵy núktege jetti. Al ushýy qalypty jaǵdaida ótti. Resei áskeri qyzmetkerleri osy zymyranmen kez kelgen aýa raiynda, túnde de, kúndiz de jumys istei alady, olar ábden shynyqqan. Mig-31 ushaǵy jaz mezgiline sai bolǵandyqtan, «qanjardyń álemde balamasy joq» dep ministrlik aqparat taratty.
18 naýryzda Resei Federatsiiasy prezidentiniń sailaýy ótkiziledi. Jyl saiynǵy halyqqa Joldaýynda biyl Pýtin Reseidiń «jańa, iadrolyq zymyrandy oilap tapqanyn, onyń múmkindigi sheksiz ekenin, jeńiliske ushyramaitynyn» atap ótti. «Resei burynǵysha álemdegi eń úlken iadrolyq bazasy bar el, biraq bizdi eshkim tyńdaǵan joq. Dál qazir tyńdańyzdar» dedi V.Pýtin.
Al AQSh Qorǵanys Ministri Djeims Mettis Pýtinniń bul sózine qatysty óz oiyn bildirdi. «Men Resei áskeri júiesine engen aitarlyqtai ózgeristi baiqaǵan joqpyn. Olar qanshama qarajatty qarýlaný maqsatynda qurban etip júr, óz-ózderimen jarysyp álek. Resei halqy úshin jumsalatyn qarajat bosqa ketýde. Men úshin bul zymyran eshqandai da ózgeris emes» dedi.
AQSh Memlekettik departamentiniń hatshysy Hizer Naýert bolsa, departament sheneýnikteriniń Pýtinniń joldamasyn tyńdaǵanyn aitady. «Pýtin qarýdy kórsetý arqyly AQSh-qa qarsy iadrolyq soqqy jasaitynyn bildirdi. Bul, árine, bizge unamaidy. Pýtinniń sózderin jaýapty halyqaralyq oiynshy retinde baǵalai almaimyz» dedi.
Resei Qorǵanys Ministrligi jańa Arsenalyna at qoiý úshin veb-paraqshany iske qosyp, qoǵamnyń belsendi bolýyn suraýda.
Resei "jeńilis tappaityn" zymyranyn synaqtan ótkizdi (Video)
