رەسەي ۇلىبريتانييانىڭ سانكتسييالارىنا جاۋاپ رەتٸندە بريتان ديپلوماتتارىن ەلٸنە قايتارماق. ريا "نوۆوستي" اگەنتتٸگٸنٸڭ حابارلاۋىنشا, بۇل جايىندا 15 ناۋرىزدا رەسەي سىرتقى ٸستەر مينيسترٸ سەرگەي لاۆروۆ مەلٸمدەدٸ. لاۆروۆ ناقتى قانشا ديپلوماتتىڭ ەلٸنە قايتارىلاتىنىن جەنە بۇل شارالاردىڭ قاشان ورىندالاتىنىن تاراتىپ ايتپادى. ول لوندوننىڭ مەسكەۋدٸ رەسەي سىرتقى بارلاۋ قىزمەتٸنٸڭ بۇرىنعى وفيتسەرٸ سەرگەي سكريپال مەن قىزىن ۋلادى دەپ ايىپتاعانىن "دەلەلسٸز ايىپتاۋ جەنە ارسىزدىق" دەپ اتادى.
14 ناۋرىز كٷنٸ ۇلىبريتانييا پرەمەر-مينيسترٸ تەرەزا مەي رەسەيدٸ سكريپالدٸ ۋلادى دەپ ايىپتاپ, رەسەيدٸڭ 23 ديپلوماتى ەلدەن شىعارىلاتىنىن مەلٸمدەگەن. اقش پرەزيدەنتٸ ەكٸمشٸلٸگٸ رەسەيدٸ "حالىقارالىق قۇقىقتى ٷنەمٸ بۇزادى" دەپ ايىپتاپ, لوندوننىڭ بۇل شاراسىن قولداعان.
14 ناۋرىزدا بۇدان كەشتەۋ بۇۇ قاۋٸپسٸزدٸك كەڭەسٸنٸڭ وتىرىسىندا ۇلىبريتانييانىڭ بۇۇ-داعى ەلشٸسٸ رەسەيدٸ "حيمييالىق قارۋعا تىيىم سالۋ تۋرالى حالىقارالىق كونۆەنتسييانى بۇزدى" دەپ ايىپتاعان. بريتان تەرگەۋشٸلەرٸنٸڭ بولجامىنشا, سكريپال مەن قىزى يۋلييا جاسالۋى ٶتە قيىن "نوۆيچوك" دەپ اتالاتىن حيمييالىق زاتتان ۋلانعان. تەرگەۋشٸلەر مەملەكەت جەردەمٸنسٸز مۇنداي حيمييالىق زاتتى قولدان جاساۋ مٷمكٸن ەمەس دەيدٸ.
سكريپالدٸڭ ٸسٸنە بايلانىستى ۇلىبريتانييا سىرتقى ٸستەر مينيسترٸ بوريس دجونسون رەسەي پرەزيدەنتٸ ۆلاديمير پۋتيننٸڭ جاقىن سەرٸكتەرٸنە قارسى سانكتسييا سالىناتىنىن جارييالادى.
سەرگەي سكريپال مەن قىزى يۋلييا ناۋرىزدىڭ 4-ٸ كٷنٸ سولسبەريدەگٸ ساۋدا ورتالىعىندا ەس-تٷسسٸز كٷيدە تابىلىپ, اۋرۋحاناعا جەتكٸزٸلگەن. سەرگەي سكريپالدٸ 2006 جىلى رەسەي سوتى "ۇلىبريتانييا تىڭشىسى" دەپ ايىپتاپ, 13 جىلعا تٷرمەگە قاماۋعا ٷكٸم ەتكەن. 2010 جىلى مەسكەۋ اقش-تا ۇستالعان رەسەيلٸك ون اگەنتتٸ رەسەيدە باتىس مٷددەسٸنە تىڭشىلىق ەتكەن دەگەن ايىپپەن سوتتالعان تٶرت ادامعا الماستىرعان كەزدە سولاردىڭ اراسىندا سكريپال دا بولعان. ول سودان بەرٸ ۇلىبريتانييادا تۇرىپ جاتقان.
