رەسەي سوتى قازاقستان ازاماتى, ۆلاديمير پۋتينگە رەسەي پرەمەر-مينيسترٸ بولىپ تۇرعاندا قاستاندىق جاساماق بولدى دەگەن ايىپپەن سوتتالعان يليا پيانزيندٸ شارتتى تٷردە مەرزٸمٸنەن بۇرىن بوساتۋدان باس تارتتى. بۇل تۋرالى سامارا وبلىستىق پروكۋراتۋراسىنا سٸلتەمە جاساعان رەسەيلٸك "كوممەرسانت" گازەتٸ حابارلادى. پيانزين جازاسىن سامارا وبلىسىنداعى قاتاڭ رەجيمدەگٸ تٷرمەدە ٶتەپ جاتىر.
پيانزيننٸڭ ٶزٸن شارتتى تٷردە مەرزٸمٸنەن بۇرىن بوساتۋ تۋرالى ٶتٸنٸشٸن سامار وبلىسىنىڭ ۆولگا اۋداندىق سوتى قارادى. پروكۋراتۋرانىڭ اقپاراتىنشا, سوت پيانزيندٸ "تٷرمە قىزمەتكەرٸنٸڭ تالابىن ورىنداماعانى ٷشٸن" بوساتۋدان باس تارتتى.
مەسكەۋ سوتى 2013 جىلى كٷزدە 33 جاستاعى پيانزيندٸ 2011 جىلى ۆلاديمير پۋتينگە قاستاندىق جاساۋعا دايىندالدى دەپ ايىپتاپ, 10 جىلعا سوتتاعان. 2017 جىلى شٸلدەدە پيانزين رەسەي پرەزيدەنتٸ ۆلاديمير پۋتيننەن ٶزٸنە راقىمشىلىق جاساۋدى سۇراعان.
پيانزين 2012 جىلى اقپاندا ۋكراينادا شەشەنستاندىق ادام وسماەۆپەن بٸرگە ولار تۇرىپ جاتقان پەتەردە قولدان جاسالعان جارىلعىش قۇرىلعى جارىلىپ, جاندارىندا بولعان تاعى بٸر شەشەنستان ازاماتى رۋسلان ماداەۆ قازا تاپقان كەزدە ۇستالعان. پيانزين مەن وسماەۆ پۋتينگە قاستاندىق جاساۋعا دايىندالعانىن مويىنداعان. كەيٸن ەكەۋٸ دە تەرگەۋدە ٶزدەرٸنە قىسىم جاسالعانىن مەلٸمدەپ, جاۋاپتارىنان باس تارتقان.
تەرگەۋ بولجامىنشا, پيانزين 2011 جىلى جەلتوقساندا ۋكراينا تەرريتوريياسىندا بولعانىندا رەسەي پرەزيدەنتتٸگٸنە كانديدات ۆلاديمير پۋتينگە قاستاندىق جاساۋدى جوسپارلاعان توپقا قوسىلعان. توپ مەسكەۋدە پۋتيننٸڭ كورتەجٸ جٷرەتٸن جولدا مينالانعان كٶلٸك جارۋدى جوسپارلاعان.
