فوتو: يزۆەستييا/الەكساندر پولەگەنكو
رەسەي مەملەكەتتٸك دۋماسىنىڭ قورعانىس جٶنٸندەگٸ كوميتەت تٶراعاسى اندرەي كارتاپولوۆ 2023 جىلى كٶكتەمدە 30 جاسقا دەيٸنگٸ جاستاردى ارميياعا شاقىرۋ جوسپارلانعانىن حابارلادى. كارتاپولوۆ سۇقباتى "پارلامەنتسكايا گازەتا" باسىلىمىندا جارييالاندى, دەپ جازادى ازاتتىق.
"كٶكتەمگٸ ەسكەرگە قابىلداۋ ناۋقانىنا دەيٸن ەربٸر ەسكەري كوميساريات قانشا ادام جاڭا تالاپقا ساي كەلەتٸنٸن انىقتاۋى تيٸس. سوسىن وسى مەلٸمەتتٸ ەسكەري ماقساتقا سەيكەستەندٸرەدٸ" دەدٸ كارتاپولوۆ.
دەپۋتاتتىڭ ايتۋىنشا, ەزٸرگە ەسكەرگە قابىلداۋ جاسىن ۇلعايتۋ تۋرالى مەسەلە كٶتەرٸلٸپ وتىر.
"ەسكەري كوميسسارياتتا 21 مەن 30 جاس ارالىعىندا ەسكەرگە بارماعان 100 ادام بار دەلٸك. ماقسات - 200 ادام. ەندەشە, جارتىسىن 18 جاستاعىلار, قالعانىن 21 مەن 30 جاس ارالىعىنداعىلار تولتىرادى".
كارتاپولوۆ ەسكەرگە قابىلداۋ جاسىن ٶسٸرۋ كەزەڭ-كەزەڭمەن جٷرەتٸنٸن ايتتى. ونىڭ پٸكٸرٸنشە, بۇل پروتسەسس بٸر جىلدان ٷش جىلعا دەيٸن سوزىلۋى مٷمكٸن.
"ناتو اۋقىمدى سوعىس باستاعان جاعدايدا, بٸزگە ەسكەري بٸلٸمٸ بار رەزەرۆ قاجەت بولادى. بٸزدە ون ادامنىڭ بٸرەۋٸ عانا ارميياعا بارعان, ون ادامنىڭ توعىزى ارمييادا بولماعان. ولاردان قانداي رەزەرۆ شىعادى? وسىنىڭ بەرٸن ٶزگەرتۋ قاجەت: ەسكەري جيىندار ٶتكٸزٸپ, جاستاردى دوسااف جٷيەسٸندە (سوۆەت كەزٸندە بولعان قورعانىس-سپورت سالاسىنا بەيٸمدەيتٸن ۇيىم - رەد.) وقىتۋ كەرەك" دەيدٸ دەپۋتات ۆيكتور سوبولەۆ.
21 جەلتوقساندا رەسەي قورعانىس مينيسترٸ سەرگەي شويگۋ پرەزيدەنت ۆلاديمير پۋتينگە ەسكەرگە قابىلداۋ جاسىن ۇلعايتۋدى ۇسىنعان. پۋتين ونى قولداعان.
ايتا كەتەيٸك, رەسەيدە جاستاردى ارميياعا قابىلداۋ ناۋقانى 2023 جىلى 1 سەۋٸردە باستالىپ, 15 شٸلدەدە اياقتالادى.
