Foto: IZVESTIIa/Aleksandr Polegenko
Resei memlekettik dýmasynyń qorǵanys jónindegi komitet tóraǵasy Andrei Kartapolov 2023 jyly kóktemde 30 jasqa deiingi jastardy armiiaǵa shaqyrý josparlanǵanyn habarlady. Kartapolov suqbaty "Parlamentskaia gazeta" basylymynda jariialandy, dep jazady Azattyq.
"Kóktemgi áskerge qabyldaý naýqanyna deiin árbir áskeri komisariat qansha adam jańa talapqa sai keletinin anyqtaýy tiis. Sosyn osy málimetti áskeri maqsatqa sáikestendiredi" dedi Kartapolov.
Depýtattyń aitýynsha, ázirge áskerge qabyldaý jasyn ulǵaitý týraly másele kóterilip otyr.
"Áskeri komissariatta 21 men 30 jas aralyǵynda áskerge barmaǵan 100 adam bar delik. Maqsat - 200 adam. Endeshe, jartysyn 18 jastaǵylar, qalǵanyn 21 men 30 jas aralyǵyndaǵylar toltyrady".
Kartapolov áskerge qabyldaý jasyn ósirý kezeń-kezeńmen júretinin aitty. Onyń pikirinshe, bul protsess bir jyldan úsh jylǵa deiin sozylýy múmkin.
"NATO aýqymdy soǵys bastaǵan jaǵdaida, bizge áskeri bilimi bar rezerv qajet bolady. Bizde on adamnyń bireýi ǵana armiiaǵa barǵan, on adamnyń toǵyzy armiiada bolmaǵan. Olardan qandai rezerv shyǵady? Osynyń bárin ózgertý qajet: áskeri jiyndar ótkizip, jastardy DOSAAF júiesinde (sovet kezinde bolǵan qorǵanys-sport salasyna beiimdeitin uiym - red.) oqytý kerek" deidi depýtat Viktor Sobolev.
21 jeltoqsanda Resei qorǵanys ministri Sergei Shoigý prezident Vladimir Pýtinge áskerge qabyldaý jasyn ulǵaitýdy usynǵan. Pýtin ony qoldaǵan.
Aita keteiik, Reseide jastardy armiiaǵa qabyldaý naýqany 2023 jyly 1 sáýirde bastalyp, 15 shildede aiaqtalady.
