رەسەي "بايقوڭىر" عارىش ايلاعىنان تەۋەلسٸز بولۋدى ارمانداپ, قيىر شىعىستا "ۆوستوچنىي" جاڭا عارىش ايلاعىن سالعان. الايدا, نەمٸستٸڭ Der Spiegel باسىلىمى بۇل ەڭبەك زايا كەتتٸ دەپ جازادى, سەبەبٸ سىناق ۇشۋلارى الداعى ۋاقىتتا تەك قازاقستانداعى الاڭنان جٷزەگە اسىرىلادى.
باسىلىمنىڭ مەلٸمەتٸنشە, مەسكەۋ "ۆوستوچنىي" عارىش ايلاعىن پايدالانۋعا قاتىستى ٶز جوسپارىن كەنەتتەن ٶزگەرتتٸ: "سويۋز" كەمەلەرٸنٸڭ ورنىن باسادى دەگەن "فەدەراتسييا" كەمەلەرٸ تەك "بايقوڭىردان" ۇشىرىلادى.
"مۇنداي شەشٸم رەسەيلٸك عارىش باعدارلاماسىندا تٷبەگەيلٸ ٶزگەرٸس الىپ كەلەدٸ", - دەپ كەلتٸرەدٸ ماقالانىڭ ٷزٸندٸسٸن ينوتۆ.
سٸبٸر عارىش ايلاعى رەسەيدٸڭ ەڭ ٸرٸ قۇرىلىس جوبالارىنىڭ بٸرٸ بولعان. وعان 5,3 ميلليارد ەۋرو جۇمسالعان. الايدا مەردٸگەرلەرگە ٸرٸ قاراجات جىمقىردى دەگەن ايىپ تاعىلعان. "رەسەيدٸڭ وسى عارىش ايلاعىمەن ٶز مٷمكٸندٸكتەرٸن تىم اسىرىپ ويلاعانى انىق", - دەپ جازادى باسىلىم.
