قازاقستاندىق جەنە رەسەيلٸك بٸرقاتار ەلەكتروندى باق-تا قازاقستان تاراپىنىڭ بالقاش تورابىن بەرۋ شارتتارى مەن ودان ارى پايدالانۋ تەرتٸبٸ تۋرالى ٷكٸمەتارالىق كەلٸسٸمدٸ بۇزاتىنى تۋرالى اقپارات تارادى. وسىعان وراي قر قورعانىس مينيسترلٸگٸنٸڭ كەلٸسٸمدٸ جٷزەگە اسىرۋ مەسەلەلەرٸن قاراستىرۋ جٶنٸندەگٸ ۋەكٸلٸ, پولكوۆنيك رۋسلان ەمٸرگەرەەۆ تٷسٸنٸك بەردٸ, دەپ حابارلايدى "ۇلت اقپارات".
«2019 جىلى قازاقستاننىڭ سىرتقى ٸستەر مينيسترلٸگٸ رەسەي تاراپىنىڭ بالقاش تورابىن پايدالانۋ جٶنٸندەگٸ كەلٸسٸمدٸ دەنونساتسييالاۋ جوسپارى تۋرالى رەسمي اقپارات الدى. وسى جىلدىڭ شٸلدەسٸندە عارىشتىق ەسكەردٸڭ باس قولباسشىسى, گەنەرال-پولكوۆنيك الەكساندر گولوۆكو رف فەدەراتسيياسى كەڭەسٸنە ۇسىنىس جاساپ, وندا قازاقستان اۋماعىنداعى ەسكٸرگەن «دنەپر» راديولوكاتسييالىق ستانساسىن كٷتٸپ ۇستاۋدىڭ ماقساتقا ساي ەمەستٸگٸن نەگٸزدەپ بەردٸ. قازٸرگٸ ۋاقىتتا رەسەيلٸك ارمييانىڭ قارۋ-جاراعىنا جاڭا «ۆورونەج» راديولوكاتسييالىق ستانساسى تٷسٸپ جاتىر. بۇل ستانسا قازٸردٸڭ ٶزٸندە بارناۋىل مەن ورسك اۋداندارىندا ورنالاستىرىلعان. ٶزٸنٸڭ تاكتيكالىق-تەحنيكالىق سيپاتتاماسى بويىنشا ولار بالقاش تورابىندا ورناتىلعان «دنەپردەن» باسىم تٷسەدٸ. وسىلايشا, مەملەكەتتٸك دۋما كەلٸسٸمدٸ دەنونساكتسييالاۋ تۋرالى زاڭدى قابىلداپ, رف فەدەرالدىق جينالىسىنىڭ فەدەرالدىق كەڭەسٸ ماقۇلدادى. ال وسى جىلدىڭ 31 ماۋسىمىندا رەسەي پرەزيدەنتٸ ۆلاديمير پۋتين قول قويدى»,- دەيدٸ ول.
پولكوۆنيكتٸڭ اتاپ ٶتۋٸنشە, كەلٸسٸم قولدانىسى 2020 جىلدىڭ جەلتوقسانىندا توقتايدى. بۇل رەتتە بالقاش تورابىنىڭ جەر ۋچاسكەسٸ مەن مٷلكٸن بەرۋ-قابىلداۋ بٸرلەسكەن كوميسسييا ارقىلى جٷزەگە اسىرىلادى.
بالقاش تورابى 1964 جىلى سالىنىپ, 1973 جىلى پايدالانۋعا بەرٸلگەن. ول ٶزٸنٸڭ قولدانىس اۋماعىندا ەۋە جەنە عارىش كەڭٸستٸگٸنە ٷزدٸكسٸز بارلاۋ جٷرگٸزۋگە ارنالعان.
بۇل بۇرىنعى كەڭەس وداعى كٷيرەگەننەن كەيٸن قازاقستان اۋماعىندا قالعان نىسانداردىڭ بٸرٸ سانالادى. توراپتى رەسەي تارابى قايتارىمسىز نەگٸزدە پايدالاندى.
«ستانسا زاماناۋي تالاپتارعا ساي كەلمەيتٸندٸكتەن قازاقستاننىڭ قورعانىس مينيسترلٸگٸ بالقاش تورابى اۋماعىنان رەسەيلٸك ەسكەري بٶلٸم شىعارىلعاننان كەيٸن «دنەپر» ستانساسىن جويۋ تۋرالى شەشٸم قابىلدادى. بۇعان قوسا, كەلٸسٸمنٸڭ 6-بابى 1-تارماعىنا سەيكەس, رف ٷكٸمەتٸ قازاقستان رەسپۋبليكاسىنىڭ مەملەكەتتٸك جەنە ەسكەري باسقارۋىنداعى پۋنكتتەردە رەسەيلٸك جٷيەدەن زىمىران شابۋىلى تۋرالى ەسكەرتۋ اقپاراتىن كٶرسەتەتٸن «كروكۋس» اپپاراتىن ورناتۋ مٸندەتتەمەسٸن الىپ وتىر», - دەيدٸ رۋسلان ەمٸرگەرەەۆ.
