فوتو: سٸم باسپاسٶز قىزمەتٸنەن
جاپونييا مەن كورەيا رەسپۋبليكاسىندا تۇراتىن قازاقستان رەسپۋبليكاسىنىڭ ازاماتتارى ەلٸمٸزدٸڭ كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ جٶنٸندەگٸ جالپىۇلتتىق رەفەرەندۋمدا ٶزدەرٸنٸڭ داۋىس بەرۋ قۇقىعىن العاشقىلاردىڭ بٸرٸ بولىپ پايدالاندى, دەپ حابارلايدى سىرتقى ٸستەر مينيسترلٸگٸ باسپاسٶز قىزمەتٸ.
"توكيو قالاسىنداعى №261 ۋچاسكە جەرگٸلٸكتٸ ۋاقىت بويىنشا تاڭعى ساعات 7-دە (نۇر-سۇلتان ۋاقىتى بويىنشا ساعات 4:00-دە) قازاقستان رەسپۋبليكاسىنىڭ ازاماتتارى ٷشٸن ٶز ەسٸگٸن اشتى. العاشقى مينۋتتاردان باستاپ قازاقستاندىقتار ٶزدەرٸنٸڭ «جاڭا قازاقستاندى» قۇرۋعا قاتىسۋعا ازاماتتىق قۇقىقتارىن ٸسكە اسىرۋ ٷشٸن ايتارلىقتاي بەلسەندٸلٸك تانىتىپ جاتىر.
رەفەرەندۋمدا داۋىس بەرگەن العاشقى قازاقستاندىق توكيو قالاسىنداعى جاقىندا 18 جاسقا تولعان جاس سايلاۋشى اليجان ساليەۆ بولدى. بۇل ونىڭ العاشقى سايلاۋى جەنە ول ٶزٸنٸڭ وسى قۇقىعىن قۋانا پايدالاندى" دەلٸنگەن حابارلامادا.
«مەن جاقىندا 18 جاسقا تولدىم جەنە وسىنداي تاريحي وقيعاعا العاش رەت قاتىسۋ مەن ٷشٸن ٶتە قىزىقتى. وعان قوسا بۇل - ٷلكەن جاۋاپكەرشٸلٸك, ٶيتكەنٸ مەنٸڭ داۋىسىم دا كونستيتۋتسييانى جاڭارتۋدا ەسكەرٸلەتٸن بولادى. مەن قازاقستاننىڭ جاپونييا سيياقتى دامىعان ەلگە اينالعانىن قالايمىن», - دەدٸ اليجان.
قازاقستاندىقتار توكيوعا جاپونييانىڭ ەر تٷكپٸرٸنەن, سونىڭ ٸشٸندە حيروسيما, وساكا جەنە كيوتو سيياقتى الىس پرەفەكتۋرالاردان دا داۋىس بەرۋگە كەلٸپ جاتىر.
ال وڭتٷستٸك كورەيا استاناسىنداعى №258 ۋچاسكەگە العاش بولىپ قازاقستاندىق وتباسى كەكٸم داناباەۆ پەن ارۋنا جەنٸبەك كەلدٸ. ولار سەۋلدە 10 جىلدان استام ۋاقىت تۇرىپ, بيزنەسپەن اينالىسادى.
«مەن كورەي سەرٸكتەستەرٸممەن بيزنەس جٷرگٸزەمٸن. ولاردىڭ ٶز ەلٸندەگٸ جاعدايدى قالاي تالقىلايتىندارىن, ساياسي ٶمٸرگە بەلسەندٸ قاتىساتىنىن جيٸ كٶرەمٸن. سوندىقتان سوڭعى 10 جىل ٸشٸندە مەن بٸردە-بٸر سايلاۋدى ٶتكٸزٸپ العان جوقپىن. بۇل جولى دا ٶز داۋىسىمدى بەرۋگە كەلدٸم, ٶيتكەنٸ رەفەرەندۋمعا قاتىسۋ بٸزدٸڭ ازاماتتىق پارىزىمىز. بٸزدٸڭ داۋىسىمىز - بالالارىمىزدىڭ بولاشاعى», - دەدٸ كەسٸپكەر.
كەكٸم داناباەۆ وڭتٷستٸك كورەياداعى حانيانگ ۋنيۆەرسيتەتٸنٸڭ دوكتورانتۋراسىن بٸتٸرگەن. قازٸر «Kazmedikor» اتتى قازاقستاندىق-كورەي كومپانيياسىنىڭ تەڭ قۇرىلتايشىسى. قازاقستان ەلشٸلٸگٸ وسى وتباسىعا رەفەرەندۋمعا قاتىسقانى ٷشٸن العىسىن بٸلدٸردٸ جەنە بٸرٸنشٸ سايلاۋشىلار رەتٸندە سىيلىق تابىستادى.
"قازاقستان ازاماتتارىنىڭ جاپونييا مەن كورەيا رەسپۋبليكاسىنداعى بەلسەندٸلٸگٸ وتانداستارىمىزدىڭ قازاقستان رەسپۋبليكاسىنىڭ پرەزيدەنتٸ ق.توقاەۆ ۇسىنعان ساياسي جەنە ەلەۋمەتتٸك-ەكونوميكالىق رەفورمالاردىڭ ماڭىزدىلىعىنا ٷلكەن مەن بەرەتٸندٸگٸنٸڭ ايقىن دەلەلٸ.
داۋىس بەرۋشٸلەر ولاردىڭ داۋىسى «جاڭا قازاقستاندى» قۇرۋدا ماڭىزدى رٶل اتقاراتىنىنا سەنٸم بٸلدٸردٸ.
قر سٸم ۇسىنىسى نەگٸزٸندە نۇر-سۇلتان قالاسىنىڭ اۋماقتىق سايلاۋ كوميسسيياسى 52 شەت مەملەكەتتە 65 سايلاۋ ۋچاسكەسٸن اشتى. ولاردىڭ مەكەن-جايلارىن سٸلتەمە بويىنشا كٶرۋگە بولادى" دەلٸنگەن حابارلامادا.
