ساياساتتانۋشى راسۋل جۇمالى قازاقستاندا سايلاۋ تۇراقتىلىققا, قاۋٸپسٸزدٸككە نۇقسان كەلتٸرٸلمەي, لايىقتى دەڭگەيدە ٶتكەنٸن مەلٸم ەتتٸ, دەپ حابارلايدى قازاقپارات.
«بۇل سايلاۋ تولىعىمەن مٸنسٸز ٶتتٸ دەپ ايتا المايتىن شىعارمىز. جالپى سايلاۋ اتاۋلىنىڭ ٶزٸ بارلىق ەلدە, ونىڭ ٸشٸندە ٶركەنيەتتٸ ەرٸ دامىعان ەلدەردٸڭ تەجٸريبەسٸن قارايتىن بولساق, ەشقايسىسى مٸنسٸز بولمايدى. بٸراق ٷردٸس, پروتسەس رەتٸندە بۇل – بٸزدٸڭ ەل ٷشٸن ٶتە ماڭىزدى قادام بولدى. الىسقا بارماي-اق تٷرلٸ ەلدەردەگٸ 2020 جىلعى سايلاۋ تەجٸريبەسٸن قارايتىن بولساق, سىناقتان كٶپتەگەن مەملەكەتتٸڭ سٷرٸنٸپ, قۇلاپ جاتاتىنىن كٶرٸپ وتىرمىز. ەلٸ كٷنگە دەيٸن باسىلماي جاتقان بەلارۋستەگٸ وقيعالار, قىرعىز رەسپۋبليكاسىنداعى ٷشٸنشٸ رەۆوليۋتسييا, ارمەنيياداعى جاعداي, اقش-تىڭ ٶزٸندەگٸ تىعىرىققا ۇشىراعانىن كٶرٸپ وتىرمىز», - دەدٸ راسۋل جۇمالى ەلوردادا ٶتكەن «SAILAU-2021: پارلامەنت سايلاۋىنىڭ الدىن الا قورىتىندىلارى» اتتى ساراپتامالىق تالقىلاۋدا.
ساياساتتانۋشى وسى رەتتە قازاقستاندا ەڭ الدىمەن تۇراقتىلىققا, قاۋٸپسٸزدٸككە نۇقسان كەلتٸرٸلمەي, سايلاۋ ەجەپتەۋٸر لايىقتى دەڭگەيدە ٶتكەنٸن ايتىپ ٶتتٸ.
«بۇل ٶتە ماڭىزدى. ەكٸنشٸدەن, ەلدەگٸ جاڭا جاعدايدا, ساياسي احۋالدا ٶتكٸزٸلٸپ وتىرعانىن اتاپ ٶتۋ كەرەك. پرەزيدەنت باستاعان رەفورمالار ٸسكە اسىرىلىپ جاتىر. سونىڭ نەتيجەسٸندە بٸرتالاي زاڭعا ٶزگەرٸستەر ەنگٸزٸلدٸ. وسى سايلاۋدىڭ جاڭاشىلدىعى – جاڭا سايلاۋ زاڭناماسىنا سەيكەس ٶتكٸزٸلٸپ وتىرعانى. ونىڭ ٸشٸندە 30 پايىزدىق كۆوتانى اتاپ ٶتەر ەدٸم. تيٸسٸنشە مەجٸلٸستٸڭ دە, مەسليحاتتىڭ ەجەپتەۋٸر جاسارۋى مەنٸڭشە, ٶتە ماڭىزدى», - دەدٸ ول.
راسۋل جۇمالى پارلامەنت سايلاۋىنىڭ ۋاقىتىندا ٶتكٸزٸلگەنٸن جاعىمدى قۇبىلىس ەكەنٸن جەتكٸزدٸ.
