رامازان ايىندا قۇران حاتىم رەسٸمدەرٸ قاشىقتان وقىلادى. بۇل تۋرالى قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى ايتتى, دەپ حابارلايدى "ۇلت اقپارات".
«قازاقستان مۇسىلماندارى دٸني باسقارماسى رامازان ايىندا ايتىلاتىن ۋاعىز-ناسيحات, سۇراق-جاۋاپ جۇمىستارىن ونلاين رەجيمدە جٷرگٸزۋدٸ جالعاستىرادى. قۇران حاتىم جاساۋ رەسٸمدەرٸ دە قاشىقتان وقىلادى. بٸز رامازاندا بٸر اي بويى جالعاساتىن دٸني دەرٸستەردٸڭ, قاسيەتتٸ قادٸر كەشٸنٸڭ, ۇلىق مەيرام - ورازا ايتتىڭ ونلاين باعدارلاماسىن دايىنداپ قويدىق. ينتەرنەت جەلٸسٸ ارقىلى سۇراققا جاۋاپ الىپ, ونلاين ناسيحات تىڭداپ, ٷيدەن شىقپاي ساۋاپتى امالدارعا ورتاقتاسۋعا بولادى. بٸز قازٸرگٸ جاعدايدى ەسكەرٸپ, ٶتكەن جىلى جٷزەگە اسىرعان جوبامىز بويىنشا پٸتٸر ساداقاسى مەن زەكەتتٸ ونلاين رەجيمدە بەرۋدٸڭ وڭتايلى جولىن تاعى ۇسىنىپ وتىرمىز», - دەدٸ باس مٷفتي ورتالىق كوممۋنيكاتسييالار قىزمەتٸندەگٸ بريفينگ بارىسىندا.
قازاقستان مۇسىلماندارى دٸني باسقارماسىنىڭ تٶراعاسى ەل ازاماتتارىن پاندەمييا كەزٸندە بارىنشا ساقتانىپ جٷرۋگە, ادام كٶپ شوعىرلانعان ورىندارعا بارماۋعا, اۋىز بەكٸتكەن جاعدايدا دۇرىس تاماقتانۋعا, مٷمكٸندٸگٸنشە جۇمىس كەستەسٸن ىڭعايلاپ, دەنساۋلىقتى كٷتۋگە ٷندەدٸ.
«قاسيەتتٸ ايدا قايىرىمدىلىق جاساپ, ساۋاپ الۋدى نيەت ەتكەن جاندارعا ايتارىم: اۋىزاشار قوراپتارىن ەرٸكتٸلەر نەمەسە مەشٸت قىزمەتكەرلەرٸ ارقىلى كٶمەككە مۇقتاج ازاماتتارعا جەتكٸزۋگە بولادى. دٸني باسقارما رامازان ايىندا سانيتارلىق تالاپتاردى ساقتاي وتىرىپ, قايىرىمدىلىق ٸس-شارالارىن جوسپارلى تٷردە جٷزەگە اسىرادى. بارشاڭىزدى يگٸ ٸسكە ٷلەس قوسۋعا شاقىرامىن», - دەدٸ ناۋرىزباي قاجى تاعانۇلى.
