سولتٷستٸك قازاقستان وبلىسىندا 2025 جىلدان بەرٸ مەملەكەتتٸك قىزمەتشٸلەردٸڭ قۇمار ويىندار مەن بەس تٸگۋگە قاتىسۋىنا قاتىستى 9 دەرەك انىقتالعان. زاڭ تالاپتارىن بۇزعان مەملەكەتتٸك قىزمەتشٸلەردٸڭ بارلىعى قىزمەتٸنەن بوساتىلعان, دەپ حابارلايدى ult.kz.
بۇل تۋرالى مەملەكەتتٸك قىزمەت ٸستەرٸ اگەنتتٸگٸنٸڭ سولتٷستٸك قازاقستان وبلىسى بويىنشا دەپارتامەنتٸ مەلٸمدەدٸ.
دەپارتامەنتتٸڭ مەلٸمەتٸنشە, بىلتىر مەملەكەتتٸك قىزمەتشٸلەر اراسىندا قۇمار ويىندار مەن بەس تٸگۋگە قاتىستى 6 دەرەك تٸركەلگەن. ونىڭ ٷشەۋٸ — اقجار اۋدانىندا, ەكەۋٸ — تايىنشا اۋدانىندا, بٸرەۋٸ ەسٸل اۋدانىندا انىقتالعان. ال بيىل پەتروپاۆل قالاسىندا تاعى 3 دەرەك بەلگٸلٸ بولعان.
دەپارتامەنتتٸڭ باس مامانى ەۆگەنيي ياكوۆەنكونىڭ ايتۋىنشا, مەملەكەتتٸك قىزمەتشٸلەردٸڭ قۇمار ويىندارعا قاتىسۋى تەك جەكە مەسەلە ەمەس, مەملەكەتتٸك ورگاننىڭ بەدەلٸنە دە ەسەر ەتەدٸ.
«قۇمار ويىندار مەن بەس تٸگۋ قارجىلىق تەۋەكەلدەرمەن بايلانىستى. ولارعا شامادان تىس ەۋەستەنۋ تەۋەلدٸلٸككە, قارجىلىق قيىندىقتارعا, وتباسىلىق جەنە ەلەۋمەتتٸك قاتىناستاردىڭ ناشارلاۋىنا ەكەلۋٸ مٷمكٸن. ەسٸرەسە مەملەكەتتٸك قىزمەتشٸ ٷشٸن ونىڭ سالماعى ەلدەقايدا اۋىر. سەبەبٸ ونىڭ ەربٸر ەرەكەتٸ جەكە باسىنىڭ بەدەلٸنە عانا ەمەس, مەملەكەتتٸك ورگانعا دەگەن قوعامنىڭ سەنٸمٸنە دە ەسەر ەتەدٸ», — دەيدٸ ەۆگەنيي ياكوۆەنكو.
قولدانىستاعى زاڭناماعا سەيكەس, مەملەكەتتٸك قىزمەتشٸلەرگە قۇمار ويىندار مەن بەس تٸگۋگە قاتىسۋعا شەكتەۋ قويىلعان. «قازاقستان رەسپۋبليكاسىنىڭ مەملەكەتتٸك قىزمەتٸ تۋرالى» زاڭ بويىنشا قىزمەتشٸ لاۋازىمعا كٸرٸسكەن كٷننەن باستاپ كٷنتٸزبەلٸك 30 كٷن ٸشٸندە «eGov mobile» قوسىمشاسى ارقىلى قۇمار ويىندارعا جەنە (نەمەسە) بەس تٸگۋگە قاتىسۋىنا شەكتەۋ قويۋعا مٸندەتتٸ.
مەملەكەتتٸك قىزمەت ٸستەرٸ اگەنتتٸگٸنٸڭ سقو بويىنشا دەپارتامەنتٸ مۇنداي زاڭ بۇزۋشىلىقتاردى انىقتاۋ جەنە تيٸستٸ شارالار قابىلداۋ باعىتىنداعى جۇمىستى تۇراقتى تٷردە جٷرگٸزٸپ كەلەدٸ.
مامانداردىڭ ايتۋىنشا, مەملەكەتتٸك قىزمەتشٸ ٷشٸن قىزمەتتٸك تەرتٸپ پەن كەسٸبي ەدەپ نورمالارىن ساقتاۋ — مٸندەتتٸ تالاپ.
