قىزىلوردا وبلىسىنىڭ جاڭاقورعان اۋدانىندا بٸرنەشە كٷن بۇرىن جوعالىپ كەتكەن 20 جاستاعى جٸگٸتتٸڭ دەنەسٸ قۇدىقتان تابىلدى. وسى فاكتٸ بويىنشا «ادام ٶلتٸرۋ» بابى بويىنشا قىلمىستىق ٸس قوزعالىپ, مارقۇمنىڭ 15 جاستاعى تۋعان ٸنٸسٸ كٷدٸككە ٸلٸندٸ, دەپ حابارلايدى ult.kz.
Astana تەلەارناسىنىڭ حابارلاۋىنشا, 20 جاستاعى جٸگٸت ٷيٸنٸڭ اۋلاسىنا تٶسەك سالىپ, تٷنەگەن. تاڭەرتەڭ ونىڭ جوعالىپ كەتكەنٸ بەلگٸلٸ بولعان. جاقىندارى ٶز بەتتەرٸنشە ٸزدەۋ جٷرگٸزٸپ, بٸر تەۋلٸكتەن كەيٸن جٸگٸتتٸڭ دەنەسٸن ٷيٸنەن شامامەن 400 مەتر جەردەگٸ جەرگٸلٸكتٸ سۋ قۇبىرىنىڭ قۇدىعىنان تاپقان.
مارقۇمنىڭ تۋىستارى ونىڭ دەنەسٸنەن كٶگەرگەن ٸزدەر مەن موينىندا جٸپكە ۇقساس بەلگٸ بايقاعانىن ايتقان. كەي اقپاراتتا مەيٸتتٸڭ كٶرپەگە ورالعان كٷيدە تابىلعانى كٶرسەتٸلگەن.
قۇقىق قورعاۋ ورگاندارى قىلمىسقا كٷدٸكتٸ رەتٸندە مارقۇمنىڭ 15 جاستاعى تۋعان ٸنٸسٸن ۇستاعان. ول سوت سانكتسيياسىمەن قاماۋعا الىنعان.
الايدا مارقۇمنىڭ اتا-اناسى تەرگەۋدٸڭ بۇل نۇسقاسىمەن كەلٸسپەيدٸ. ولاردىڭ ايتۋىنشا, جاسٶسپٸرٸمنٸڭ اعاسىنا قاستاندىق جاساعانىنا سەنۋ قيىن.
وتباسى بۇعان دەيٸن ٷيدەن اقشا ۇرلانعان جاعدايلار بولعانىن ايتىپ, قىلمىسقا باسقا ادامداردىڭ قاتىسى بولۋى مٷمكٸن دەگەن بولجام جاساعان. تۋىستارى ٸستٸڭ جان-جاقتى ەرٸ وبەكتيۆتٸ تەرگەلۋٸن تالاپ ەتٸپ وتىر.
قازٸر تەرگەۋ جالعاسىپ جاتىر. وقيعانىڭ ناقتى مەن-جايى مەن 20 جاستاعى جٸگٸتتٸڭ ٶلٸمٸنە كٸمنٸڭ قاتىسى بارىن تەرگەۋ انىقتايدى.
