قوستاناي وبلىسىنىڭ قارابالىق اۋدانىندا قونىس اۋدارۋشىلاردىڭ تۇرعىن ٷي ساتىپ الۋ كەزٸندە زاڭعا قايشى ەرەكەتتەر جاساعانى انىقتالدى, دەپ حابارلايدى ult.kz.
باس پروكۋراتۋرا حابارلاۋىنشا, قولدانىستاعى زاڭناماعا سەيكەس, قونىس اۋدارۋشىلارعا كەلۋ ٶڭٸرٸندە تۇرعىن ٷي ساتىپ الۋ ٷشٸن 1 625 ايلىق ەسەپتٸك كٶرسەتكٸش مٶلشەرٸندە ەكونوميكالىق موبيلدٸلٸك سەرتيفيكاتى بەرٸلەدٸ. الايدا كەيبٸر ازاماتتار بۇل مەملەكەتتٸك قولداۋ تەتٸگٸن زاڭسىز ماقساتتا پايدالانعان.
مەسەلەن, 2024 جىلى بٸر قونىس اۋدارۋشى جالعان ساتىپ الۋ-ساتۋ شارتىن جاساپ, 6 ميلليون تەڭگەگە پەتەر رەسٸمدەگەن. ونىڭ 3 ميلليون تەڭگەسٸ بيۋدجەت قاراجاتىنان ٶتەلۋٸ تيٸس بولعان. تەرگەۋ بارىسىندا ساتۋشىنىڭ قولىنا ناقتى 1,6 ميلليون تەڭگە تيگەنٸ, ال پەتەر قۇنى ساتىپ الۋشىنىڭ ٶتٸنٸشٸمەن ەدەيٸ كٶتەرٸلگەنٸ انىقتالدى.
سونداي-اق تاعى بٸر جاعدايدا قونىس اۋدارۋشى سەرتيفيكات ارقىلى 2,67 ميلليون تەڭگە الىپ, قۇنى 5,5 ميلليون تەڭگەگە جاساندى تٷردە كٶتەرٸلگەن پەتەر ساتىپ العان.
الاياقتىق دەرەكتەرٸ بويىنشا قارابالىق اۋداندىق پروكۋراتۋراسى ەكٸ قىلمىستىق ٸس قوزعادى. تەرگەۋ بارىسىندا كٷدٸكتٸلەر كٸنەسٸن مويىنداپ, مەملەكەتكە كەلتٸرٸلگەن 5,7 ميلليون تەڭگە شىعىن تولىق ٶتەلگەن. وسىعان بايلانىستى ٸستەر اقتالمايتىن نەگٸزدەر بويىنشا توقتاتىلعان.
