قازاقستان پرەزيدەنتٸ قاسىم-جومارت توقاەۆ ماڭعىستاۋ وبلىسىندا ەسكەري وقۋ-جاتتىعۋ كەزٸندە قازا تاپقان ەسكەري قىزمەتشٸلەردٸڭ وتباسىلارىنا كٶڭٸل ايتۋ جەدەلحاتتارىن جولدادى, دەپ حابارلايدى ult.kz.

جەدەلحاتتاردى قازا بولعان ەسكەري قىزمەتشٸلەردٸڭ جاقىندارىنا قورعانىس مينيسترٸ دەۋرەن قوسانوۆ تابىستادى. مينيستر قارا جامىلعان وتباسىلارعا كٶڭٸل ايتىپ, قايعىلارىنا ورتاق ەكەنٸن جەتكٸزدٸ.

مەملەكەت باسشىسى جەدەلحاتىندا قازا تاپقان ەسكەري قىزمەتشٸلەردٸڭ تۋعان-تۋىستارى مەن جاقىندارىنا قولداۋ بٸلدٸرٸپ, وتباسىلارىنا قاجەتتٸ كٶمەكتٸڭ كٶرسەتٸلەتٸنٸن اتاپ ٶتتٸ.

سونىمەن قاتار قاسىم-جومارت توقاەۆ قايعىلى وقيعانىڭ سەبەپتەرٸ تولىق انىقتالىپ, كٸنەلٸلەردٸڭ زاڭ اياسىندا قاتاڭ جاۋاپكەرشٸلٸككە تارتىلاتىنىن ايتتى.

پرەزيدەنتتٸڭ جەدەلحاتىندا قازا تاپقان ەسكەري قىزمەتشٸلەردٸڭ مەملەكەتتٸك ناگرادالارعا ۇسىنىلاتىنى دا ايتىلعان.

نە جاعداي بولدى?
 

ايتا كەتەيٸك, ماڭعىستاۋ وبلىسىندا ەسكەري وقۋ-جاتتىعۋ كەزٸندە كاسپيي تەڭٸزٸنە اعىپ كەتكەن 17 ەسكەري قىزمەتشٸنٸڭ 14-ٸ قازا تاپتى. ٷشەۋٸن قۇتقارۋ مٷمكٸن بولدى. 

قايعىلى وقيعا 24 قىركٷيەكتە ەسكەري-تەڭٸز كٷشتەرٸنٸڭ وقۋ-جاتتىعۋى كەزٸندە بولعان. الدىن الا مەلٸمەت بويىنشا, وقۋ-جاۋىنگەرلٸك مٸندەتتٸ ورىنداۋ بارىسىندا اۋا رايى كٷرت ناشارلاپ, جەل كٷشەيگەن. سونىڭ سالدارىنان ەسكەري قىزمەتشٸلەردٸ تەڭٸزگە اعىس الىپ كەتكەن. 

ٸزدەستٸرۋ-قۇتقارۋ جۇمىستارى 25 قىركٷيەككە دەيٸن جالعاستى. تاڭعى ساعات 09:15 شاماسىندا بۇعان دەيٸن حابار-وشارسىز كەتكەن سەرجانت مانسۇر عۇماروۆ پەن ماتروس ميراس تۇردىبەكۇلىنىڭ دەنەسٸ تابىلدى. وسىدان كەيٸن ٸزدەۋ وپەراتسيياسى اياقتالدى.

وقيعاعا بايلانىستى ٷكٸمەتتٸك كوميسسييا قۇرىلدى. سونىمەن قاتار ەسكەري قىزمەتشٸلەردٸڭ قازا بولۋىنا قاتىستى قىلمىستىق ٸس قوزعالدى. ٸس قىلمىستىق كودەكستٸڭ 453-بابىنىڭ 2-بٶلٸگٸ – اۋىر زارداپتارعا ەكەپ سوققان قىزمەتكە سالعىرت قاراۋ جەنە 465-باپ – كەمە جٷرگٸزۋ قاعيدالارىن بۇزۋ بويىنشا تەرگەلٸپ جاتىر. 

25 قىركٷيەك قازاقستاندا جالپىۇلتتىق ازا تۇتۋ كٷنٸ دەپ جارييالاندى. قازا تاپقان ەسكەري قىزمەتشٸلەردٸڭ وتباسىلارىنا ماتەريالدىق جەنە پسيحولوگييالىق كٶمەك كٶرسەتٸلەتٸنٸ حابارلاندى.