ەيەلدەر سوڭعى جىلدارى ايتارلىقتاي ٶزگەردٸ. كٶپ جاعدايدا بۇل ٶزگەرٸس ٶز قالاۋىنان گٶرٸ, جاڭا زامان تالاپتارىنا بەيٸمدەلۋ قاجەتتٸلٸگٸنەن تۋىندادى. سەبەبٸ ەيەل ٶزگەرمەسە, ەرلەر باسىم جەردە ولارمەن بٸردەي قىزمەتتە, قوعامدا مويىندالۋ ەلدەقايدا قيىن ەدٸ.
بٷگٸندە ساۋاتتى, بٸلٸمدٸ, ٶزٸن-ٶزٸ اسىراپ جٷرگەن ەيەلدەر كٶپ. ٶز كەسٸبٸ, مانسابى بار. اتا-اناسىنا, بالالارىنا, تٸپتٸ تۋعان-تۋىستارىنا كٶمەكتەسەدٸ. دەنە بٸتٸمٸنە, دەنساۋلىعىنا, سىرتقى كەلبەتٸنە كٶڭٸل بٶلەدٸ. ساياحاتتايدى, تٸل ٷيرەنەدٸ, ٶز پسيحولوگيياسىمەن جۇمىس ٸستەيدٸ. انا بولۋدى دا, كەسٸبي دامۋدى دا قاتار الىپ جٷرۋگە تىرىسادى.ال ەر ادامداردا وسى قارقىن بايقالا ما?
ەرينە, بٸلٸمدٸ, جاۋاپكەرشٸلٸگٸ جوعارى, ٶزٸن دامىتاتىن ەر ادامدار بار. بٸراق كەيبٸر ەلەۋمەتتٸك تەندەنتسييالارعا قاراساق, ولاردىڭ ٶزگەرۋ قارقىنى ەيەلدەردەگٸ ٶزگەرٸس جىلدامدىعىمەن سالىستىرعاندا باياۋىراق كٶرٸنەدٸ. سونىڭ ٸشٸندە ەر ادامداردىڭ ەلەۋمەتتٸك, ەموتسيونالدىق دامۋىنا قاتىستى مەسەلەلەر دە جيٸ ايتىلادى. مۇنىڭ سەبەبٸ نەدە?
جاراتىلىستىڭ ەسەرٸ بار. يە, ەر مەن ەيەلدٸڭ بيولوگييالىق ەرەكشەلٸكتەرٸ, رەپرودۋكتيۆتٸك رٶلٸ, تەۋەكەلگە بارۋ دەڭگەيٸ ەرتٷرلٸ. بٸراق ادامنىڭ بٷكٸل مٸنەز-قۇلقىن تەك بيولوگييامەن تٷسٸندٸرۋ دە دۇرىس بولماس. سەبەبٸ تەنگە اقىل, مەدەنيەت, تەربيە, قوعامنىڭ ەسەرٸ قوسىلادى.
ۇزاق ۋاقىت بويى كٶپتەگەن قوعامدا ەر ادامنان نەگٸزٸنەن اقشا تابۋ, وتباسىن اسىراۋ, سىرتقى ەلەممەن كٷرەسۋ تالاپ ەتٸلدٸ. ال ەيەل بۇرىننان وتباسىنى ۇستاۋ, بالا تەربيەلەۋ, ەموتسييالىق جىلۋلىقپەن بٶلٸسۋ سيياقتى مٸندەتتەردٸ اتقارىپ كەلدٸ. بٷگٸندە وسى فۋنكتسييالارىنا قوسا ول ەرٸ انا, ەرٸ مامان, ەرٸ كەسٸپكەر, ەرٸ قوعامنىڭ بەلسەندٸ مٷشەسٸ بولۋعا تىرىسادى.
مٸنە, وسى جەردە بەلگٸلٸ بٸر الشاقتىق پايدا بولعانداي. ٶيتكەنٸ كەيبٸر جاعدايلاردا ەر ادامدار بۇرىنعى مٸندەتتەرٸمەن شەكتەلٸپ, قازٸرگٸ قوعام تالاپ ەتٸپ وتىرعان جاڭا ەلەۋمەتتٸك جەنە ەموتسييالىق رٶلدەردٸ مويىنداپ, قابىلداۋعا ەلٸ دە بەيٸمدەلٸپ جاتىر.
ابزالىندا
ٶسٸپ كەلە جاتقان ۇلدارعا جاڭا زامان تالاپتارىنا بەيٸمدەلۋ جولدارىن كٶرسەتۋٸمٸز كەرەك. سەبەبٸ ەيەلدە بۇرىنعىداي «ماعان قامقور بولاتىن ەر كەرەك» دەگەن قاجەتتٸلٸك ازايدى. ەندٸ تەك تابىس تاۋىپ, تٷزدەگٸ ەكە بولۋ جەتكٸلٸكسٸز.
قازٸرگٸ تاڭدا ەرلەردەن ەموتسيونالدىق ينتەللەكت, جاۋاپكەرشٸلٸك قاسيەتتەرٸنٸڭ بولۋى اسا تالاپ ەتٸلەدٸ. ەيەلٸن تىڭداي الاتىن, قاجەت كەزٸندە قولدايتىن, بالامەن ەموتسيونالدىق بەرٸك قاتىناس ورناتا الۋى ٶتە ماڭىزدى. ٶز ٶمٸرلەرٸن ەرلەردەن كەم ەمەس جاساپ جٷرگەن قىز-كەلٸنشەككە قازٸر جاي اسىراۋشى ازدىق ەتەتٸندەي. ەيەلدەرگە قازٸر ٶزٸمەن دەڭگەيلەس مىقتى سەرٸكتەس كەرەك. ۇلدارىمىزدى وسىعان دايىنداۋىمىز كەرەك.
