قارجىلىق مونيتورينگ اگەنتتٸگٸ باس كٶلٸك پروكۋراتۋراسىنىڭ ٷيلەستٸرۋٸمەن اي-92 ماركالى بەنزيندٸ قىرعىزستانعا زاڭسىز ەكسپورتتاۋمەن اينالىسقان ۇيىمداسقان قىلمىستىق توپقا قاتىستى تەرگەۋدٸ اياقتادى, دەپ حابارلايدى ult.kz.
تەرگەۋ مەلٸمەتٸنشە, توپ قۇرامىندا توعىز ادام بولعان. ولار زاڭسىز سحەمانى جٷزەگە اسىرۋ ٷشٸن مۇناي ٶنٸمدەرٸن ساتىپ الۋ, قۇجاتتاندىرۋ جەنە شەتەلگە شىعارۋ ماقساتىندا 12 زاڭدى تۇلعا تٸركەگەن.
كٷدٸكتٸلەر بەنزيننٸڭ شىعۋ تەگٸن زاڭداستىرۋ جەنە ونى ەكسپورتتاۋ ٷشٸن «قارا ماي ويل» جەنە «Petro Bazis» جاۋاپكەرشٸلٸگٸ شەكتەۋلٸ سەرٸكتەستٸكتەرٸنٸڭ شاعىن مۇناي ٶڭدەۋ زاۋىتتارىن پايدالانعان. قۇجاتتار بويىنشا كەسٸپورىندار اي-92 بەنزينٸن جەڭٸل ديستيللياتپەن نەمەسە ەرٸتكٸشتەرمەن ارالاستىرۋ قىزمەتٸن كٶرسەتكەن.
الايدا تەرگەۋ بارىسىندا زاۋىتتاردا ەشقانداي تەحنولوگييالىق ٶڭدەۋ جٷرگٸزٸلمەگەنٸ انىقتالدى. مۇناي ٶنٸمٸ تەك تەمٸرجول تسيستەرنالارىنا قۇيىلىپ, كەيٸن جالعان قۇجاتتار ارقىلى اروماتتى كٶمٸرسۋتەكتەر قوسپاسى, ەرٸتكٸش نەمەسە جەڭٸل كٶمٸرسۋتەكتەر قوسپاسى رەتٸندە رەسٸمدەلگەن.
وسىنىڭ نەتيجەسٸندە اۆتوكٶلٸك بەنزينٸ مۇناي-حيمييا ٶنٸمٸ رەتٸندە كٶرسەتٸلٸپ, قىرعىزستانعا زاڭسىز شىعارىلعان. اگەنتتٸك بۇل ەرەكەتتەردٸڭ ەلٸمٸزدٸڭ ٸشكٸ نارىعىندا مۇناي ٶنٸمدەرٸنٸڭ تاپشىلىعى بايقالعان كەزەڭدە دە جالعاسقانىن اتاپ ٶتتٸ.
ۆەدومستۆونىڭ دەرەگٸنە سەيكەس, زاڭسىز ەكسپورتتالعان بەنزين كٶلەمٸ 190 مىڭ توننادان اسىپ, قىلمىستىق توپتىڭ كٶلەڭكەلٸ اينالىمى 37,2 ميلليارد تەڭگەگە جەتكەن.
جەدەل-ٸزدەستٸرۋ شارالارى بارىسىندا «تٷركسٸب» ستانتسيياسىندا قىرعىزستانعا جٶنەلتٸلمەك بولعان شامامەن 500 توننا زاڭسىز بەنزين تيەلگەن سەگٸز تەمٸرجول تسيستەرناسى ۇستالعان.
قۇنى 138 ميلليون تەڭگە بولاتىن تەركٸلەنگەن جانارماي مەملەكەت كٸرٸسٸنە ٶتكٸزٸلدٸ.
قازٸرگٸ ۋاقىتتا قىلمىستىق ٸس سوتقا جولدانعان. تەرگەۋ مٷددەسٸنە بايلانىستى ٶزگە مەلٸمەتتەر جارييا ەتٸلمەيدٸ.
