Qarjylyq monitoring agenttigi Bas kólik prokýratýrasynyń úilestirýimen AI-92 markaly benzindi Qyrǵyzstanǵa zańsyz eksporttaýmen ainalysqan uiymdasqan qylmystyq topqa qatysty tergeýdi aiaqtady, dep habarlaidy ult.kz.
Tergeý málimetinshe, top quramynda toǵyz adam bolǵan. Olar zańsyz shemany júzege asyrý úshin munai ónimderin satyp alý, qujattandyrý jáne shetelge shyǵarý maqsatynda 12 zańdy tulǵa tirkegen.
Kúdiktiler benzinniń shyǵý tegin zańdastyrý jáne ony eksporttaý úshin «Qara Mai OiL» jáne «Petro Bazis» jaýapkershiligi shekteýli seriktestikteriniń shaǵyn munai óńdeý zaýyttaryn paidalanǵan. Qujattar boiynsha kásiporyndar AI-92 benzinin jeńil distilliatpen nemese eritkishtermen aralastyrý qyzmetin kórsetken.
Alaida tergeý barysynda zaýyttarda eshqandai tehnologiialyq óńdeý júrgizilmegeni anyqtaldy. Munai ónimi tek temirjol tsisternalaryna quiylyp, keiin jalǵan qujattar arqyly aromatty kómirsýtekter qospasy, eritkish nemese jeńil kómirsýtekter qospasy retinde rásimdelgen.
Osynyń nátijesinde avtokólik benzini munai-himiia ónimi retinde kórsetilip, Qyrǵyzstanǵa zańsyz shyǵarylǵan. Agenttik bul áreketterdiń elimizdiń ishki naryǵynda munai ónimderiniń tapshylyǵy baiqalǵan kezeńde de jalǵasqanyn atap ótti.
Vedomstvonyń deregine sáikes, zańsyz eksporttalǵan benzin kólemi 190 myń tonnadan asyp, qylmystyq toptyń kóleńkeli ainalymy 37,2 milliard teńgege jetken.
Jedel-izdestirý sharalary barysynda «Túrksib» stantsiiasynda Qyrǵyzstanǵa jóneltilmek bolǵan shamamen 500 tonna zańsyz benzin tielgen segiz temirjol tsisternasy ustalǵan.
Quny 138 million teńge bolatyn tárkilengen janarmai memleket kirisine ótkizildi.
Qazirgi ýaqytta qylmystyq is sotqa joldanǵan. Tergeý múddesine bailanysty ózge málimetter jariia etilmeidi.
