قازاقستاننىڭ ۇلتتىق قاۋٸپسٸزدٸك كوميتەتٸ وڭتٷستٸك كورەيا ازاماتتارىنان قۇرالعان ۇيىمداسقان قىلمىستىق توپتىڭ 14 مٷشەسٸن ۇستادى. كەيٸن وڭتٷستٸك كورەيانىڭ بۇقارالىق اقپارات قۇرالدارى ارنايى وپەراتسييانىڭ جاڭا مەن-جايىن جارييالادى, دەپ حابارلايدى ult.kz.
ۇقك مەلٸمەتٸنشە, شەتەلدٸكتەر تەلەكوممۋنيكاتسييالىق جٷيەلەردٸ پايدالانىپ, ۇيىمداسقان قىلمىستىق توپ قۇرامىندا الاياقتىق جاسادى دەگەن كٷدٸككە ٸلٸنگەن. ولار 23 شٸلدەدە قولعا تٷسٸپ, بۇل تۋرالى رەسمي اقپارات 30 شٸلدەدە جارييالاندى.
كٷدٸكتٸلەردٸڭ تۇرعىلىقتى جەرلەرٸنە جٷرگٸزٸلگەن تٸنتۋ بارىسىندا زاڭسىز ەرەكەتتەردە پايدالانىلعان كومپيۋتەرلەر, نوۋتبۋكتەر مەن ۇيالى تەلەفوندار تەركٸلەندٸ. تەرگەۋ امالدارىن جٷرگٸزۋ جەنە كەيٸن ەلدەن شىعارۋ ماقساتىندا ولار ۋاقىتشا ۇستاۋ يزولياتورىنا قامالدى.
وڭتٷستٸك كورەيالىق باق-تىڭ حابارلاۋىنشا, كٷدٸكتٸلەر قازاقستان اۋماعىندا كولل-ورتالىق ۇيىمداستىرىپ, ٶز ەلٸنٸڭ ازاماتتارىنا قوڭىراۋ شالعان. ولار ٶزدەرٸن وڭتٷستٸك كورەيانىڭ قارجىلاي قاداعالاۋ قىزمەتٸنٸڭ (FSS) ٶكٸلدەرٸ رەتٸندە تانىستىرىپ, ادامداردى الداعان.
قازٸرگٸ مەلٸمەت بويىنشا, الاياقتاردىڭ ەرەكەتٸنەن كەمٸندە 16 ادام زارداپ شەككەن. كٷدٸكتٸلەر جەبٸرلەنۋشٸلەردەن جالپى سوماسى 600 ميلليوننان استام وڭتٷستٸككورەيالىق ۆوندى (شامامەن 435–450 مىڭ اقش دوللارى) يەمدەنگەن.
Yonhap News اگەنتتٸگٸنٸڭ مەلٸمەتٸنشە, ۇستالعان 14 كٷدٸكتٸنٸ قازاقستاننان وڭتٷستٸك كورەياعا كەزەڭ-كەزەڭٸمەن ەكستراديتسييالاۋ 27 شٸلدە مەن 5 تامىز ارالىعىندا جٷزەگە اسىرىلادى. ينچحون ەۋەجايىنا جەتكٸزٸلگەننەن كەيٸن ولار بٸردەن تەرگەۋ ورگاندارىنا تاپسىرىلىپ, رەسمي ايىپ تاعىلىپ, سوتقا دەيٸنگٸ تەرگەۋ باستالادى.
تەرگەۋ دەرەكتەرٸنە سەيكەس, قازاقستاندا ۇستالعان توپ حالىقارالىق دەڭگەيدە ەرەكەت ەتكەن ٸرٸ قىلمىستىق جەلٸنٸڭ بٸر بٶلٸگٸ بولعان.
ال SBS News تەلەارناسىنىڭ حابارلاۋىنشا, بٸرلەسكەن وپەراتسييا اياسىندا وڭتٷستٸك كورەيادا وسى توپقا قاتىسى بار تاعى بەس ادام ۇستالعان. بۇدان بٶلەك, ٶزگە ەلدەردە جاسىرىنىپ جٷرگەن 19 كٷدٸكتٸگە حالىقارالىق ٸزدەۋ جارييالانعان.
وڭتٷستٸك كورەيا بيلٸگٸ قازاقستان ۇقك-مەن جٷرگٸزٸلگەن بٸرلەسكەن جۇمىستى جوعارى باعالاپ, شەتەلدە وتىرىپ قىلمىس جاساعانداردىڭ جاۋاپكەرشٸلٸكتەن قۇتىلا المايتىنىن مەلٸمدەدٸ.
«شەتەلدە وتىرىپ الاياقتىق ۇيىمداستىرسا, جازادان قۇتىلۋعا بولادى دەگەن تٷسٸنٸك – قاتە. ازاماتتارىمىزعا شەتەلدەن زييان كەلتٸرەتٸن كەز كەلگەن قىلمىستىق توپ قاي جەردە جاسىرىنسا دا, انىقتالىپ, قىزمەتٸ توقتاتىلادى», – دەلٸنگەن وڭتٷستٸك كورەيا تاراپىنىڭ مەلٸمدەمەسٸندە.
