پرەزيدەنت قاسىم-جومارت توقاەۆتىڭ تاپسىرماسىمەن ەلٸمٸزدە كٸتاپ وقۋ مەدەنيەتٸن دامىتۋعا جەنە وقىرمان ۇلت قالىپتاستىرۋعا باعىتتالعان جاڭا جوبالار جٷزەگە اسىرىلا باستادى, دەپ حابارلايدى ult.kz.
ەسكە سالايىق, 16 مامىردا مەملەكەت باسشىسى ادام كاپيتالىن دامىتۋعا, قوعامنىڭ زيياتكەرلٸك ەلەۋەتٸن ارتتىرۋعا جەنە بٸلٸمدٸ, بەسەكەگە قابٸلەتتٸ ۇلت قالىپتاستىرۋعا ارنالعان «كٸتاپ وقۋ مەدەنيەتٸن دامىتۋ جەنە زەردەلٸ ۇلت قالىپتاستىرۋ جٶنٸندەگٸ شارالار تۋرالى» جارلىققا قول قويعان بولاتىن.
وسى تاپسىرمالاردى ورىنداۋ ماقساتىندا مەدەنيەت جەنە اقپارات مينيسترلٸگٸ كٸتاپ وقۋدى كەڭٸنەن ناسيحاتتاۋ, كٸتاپحانا ٸسٸن جاڭعىرتۋ جەنە ازاماتتاردىڭ بٸلٸمگە قولجەتٸمدٸلٸگٸن ارتتىرۋعا باعىتتالعان بٸرقاتار جوبانى قولعا الدى.
سولاردىڭ بٸرٸ – 2026 جىلدىڭ قىركٷيەگٸندە باستالاتىن «جىلدىڭ 10 وقىرمانى» رەسپۋبليكالىق جوباسى. ونىڭ ماقساتى – كٸتاپ وقۋعا قىزىعۋشىلىقتى ارتتىرۋ, كٸتاپسٷيەر قاۋىمنىڭ قاتارىن كٶبەيتۋ جەنە قوعامدا وقىرمان مەدەنيەتٸن كەڭٸنەن دەرٸپتەۋ. جوبا اياسىندا جىل سايىن ەرتٷرلٸ جاس ساناتىنداعى ەڭ بەلسەندٸ وقىرماندار مەن كٸتاپ وقۋدى دامىتۋعا ٷلەس قوسقان ٷزدٸك ٶڭٸرلٸك باستامالار انىقتالادى.
سونىمەن قاتار كٸتاپ وقۋ مەدەنيەتٸن دامىتۋعا ەرەكشە ٷلەس قوسقان ازاماتتارعا ارنالعان ۇلتتىق سىيلىق تاعايىنداۋ جوسپارلانىپ وتىر. ماراپات كٸتاپحاناشىلارعا, پەداگوگتەرگە, جۋرناليستەرگە, جازۋشىلارعا, باسپاگەرلەرگە, قوعام قايراتكەرلەرٸنە جەنە كرەاتيۆتٸ يندۋسترييا ٶكٸلدەرٸنە بەرٸلەدٸ.
مينيسترلٸك كٸتاپحانا سالاسىن تسيفرلاندىرۋعا دا ەرەكشە كٶڭٸل بٶلۋدە. مەملەكەت باسشىسىنىڭ تاپسىرماسىنا سەيكەس, قازٸر ۇلتتىق تسيفرلىق كٸتاپحانا پلاتفورماسىن قۇرۋ جۇمىستارى باستالعان. جاڭا جٷيە ەلەكتروندى كاتالوگتاردى, تسيفرلىق قورلاردى, بٸلٸم بەرۋ رەسۋرستارىن جەنە زاماناۋي سەرۆيستەردٸ بٸر الاڭعا بٸرٸكتٸرەدٸ.
جوبا ٸسكە قوسىلعاننان كەيٸن ەلٸمٸزدٸڭ كەز كەلگەن تۇرعىنى تۇرعىلىقتى جەرٸنە قاراماستان قازاق جەنە ەلەم ەدەبيەتٸ تۋىندىلارىنا, عىلىمي ەڭبەكتەرگە, سيرەك كٸتاپتار مەن ارحيۆ ماتەريالدارىنا قول جەتكٸزە الادى.
مينيسترلٸكتٸڭ مەلٸمەتٸنشە, سوڭعى بەس جىلدا ەلەكتروندى كٸتاپتاردى پايدالانۋ كٶرسەتكٸشٸ 9 ميلليوننان اسقان. سونىمەن قاتار كٸتاپحانا ينفراقۇرىلىمىن جاڭارتۋ جۇمىستارى جالعاسۋدا. 2025 جىلى ەلدە ٷش جاڭا كٸتاپحانا اشىلىپ, قالا مەن اۋىلدارداعى 36 كٸتاپحانا جاڭعىرتىلدى. بيىل تاعى 30 نىساندى جاڭارتۋ جوسپارلانىپ وتىر.
