2027 جىلدىڭ 1 قاڭتارىنان باستاپ قازاقستاندا زەينەتاقى جيناقتارىنىڭ ساقتالۋىنا بەرٸلەتٸن مەملەكەتتٸك كەپٸلدٸكتٸ جٷزەگە اسىرۋ تەرتٸبٸ ٶزگەرەدٸ, دەپ حابارلايدى ult.kz.
ەڭبەك مينيسترلٸگٸنٸڭ تٷسٸندٸرۋٸنشە, بۇل مەملەكەت بجزق-داعى زەينەتاقى جيناقتارىنىڭ ساقتالۋىنا كەپٸلدٸك بەرۋدەن باس تارتادى دەگەندٸ بٸلدٸرمەيدٸ.
قازٸرگٸ تەرتٸپ بويىنشا ازامات زەينەتاقى تٶلەمدەرٸن الۋعا قۇقىلى بولعان كەزدە ونىڭ بجزق-عا ناقتى اۋدارعان جارنالارى ينفلياتسييا دەڭگەيٸ ەسكەرٸلٸپ ەسەپتەلەدٸ. ەگەر وسى سوما مەن بجزق-داعى ناقتى جيناق كٶلەمٸ اراسىندا ايىرماشىلىق بولسا, ول رەسپۋبليكالىق بيۋدجەت ەسەبٸنەن ٶتەلەدٸ.
2027 جىلدان باستاپ نە ٶزگەرەدٸ?
ەلەۋمەتتٸك كودەكستٸڭ 217-بابىنا سەيكەس, مەملەكەت بجزق-عا ناقتى اۋدارىلعان زەينەتاقى جارنالارىنىڭ باستاپقى مٶلشەردە ساقتالۋىنا كەپٸلدٸك بەرەدٸ.
مينيسترلٸك بۇعان دەيٸن سالىمشىلاردىڭ زەينەتاقى جيناقتارىن ينۆەستيتسييالاۋ پروتسەسٸنە تٸكەلەي ىقپال ەتۋ مٷمكٸندٸگٸ شەكتەۋلٸ بولعانىن اتاپ ٶتتٸ. ينۆەستيتسييالىق ساياساتتى مەملەكەت ايقىنداعاندىقتان, ينۆەستيتسييالىق كٸرٸس ينفلياتسييا دەڭگەيٸنەن تٶمەن بولعان جاعدايدا تۋىندايتىن ايىرمانى مەملەكەت ٶتەپ كەلگەن.
قازٸر ازاماتتاردىڭ زەينەتاقى اكتيۆتەرٸن باسقاراتىن كومپانييانى جەنە ينۆەستيتسييالاۋ ستراتەگيياسىن تاڭداۋ مٷمكٸندٸگٸ كەڭەيٸپ كەلەدٸ. وسىعان بايلانىستى مەملەكەتتٸك كەپٸلدٸكتٸ بۇرىنعى تەرتٸپپەن قولدانۋدىڭ باستاپقى نەگٸزٸ ٶزگەرٸپ وتىر.
سونىمەن قاتار زەينەتاقى اكتيۆتەرٸن باسقارۋ جٷيەسٸ مەملەكەتتٸك باقىلاۋدا قالا بەرەدٸ.
قازاقستان پرەزيدەنتٸ باسقاراتىن ۇلتتىق قوردى باسقارۋ جٶنٸندەگٸ كەڭەس ينۆەستيتسييالىق ساياساتتىڭ نەگٸزگٸ باعىتتارىن ايقىنداپ, اكتيۆتەردٸ باسقارۋدىڭ تيٸمدٸلٸگٸن ارتتىرۋ جٶنٸندەگٸ ۇسىنىستاردى قارايدى جەنە ينۆەستيتسييالاۋ نەتيجەلەرٸ تۋرالى ەسەپتەردٸ تىڭدايدى.
ال ۇلتتىق بانك زەينەتاقى اكتيۆتەرٸن ينۆەستيتسييالاۋعا رۇقسات ەتٸلگەن قارجى قۇرالدارىنىڭ تٸزٸمٸن قالىپتاستىرادى. ٷكٸمەت ينۆەستيتسييالىق ساياساتتىڭ نەگٸزگٸ تەسٸلدەرٸ مەن پارامەترلەرٸن بەكٸتەدٸ.
