2027 jyldyń 1 qańtarynan bastap Qazaqstanda zeinetaqy jinaqtarynyń saqtalýyna beriletin memlekettik kepildikti júzege asyrý tártibi ózgeredi, dep habarlaidy ult.kz.
Eńbek ministrliginiń túsindirýinshe, bul memleket BJZQ-daǵy zeinetaqy jinaqtarynyń saqtalýyna kepildik berýden bas tartady degendi bildirmeidi.
Qazirgi tártip boiynsha azamat zeinetaqy tólemderin alýǵa quqyly bolǵan kezde onyń BJZQ-ǵa naqty aýdarǵan jarnalary infliatsiia deńgeii eskerilip esepteledi. Eger osy soma men BJZQ-daǵy naqty jinaq kólemi arasynda aiyrmashylyq bolsa, ol respýblikalyq biýdjet esebinen óteledi.
2027 jyldan bastap ne ózgeredi?
Áleýmettik kodekstiń 217-babyna sáikes, memleket BJZQ-ǵa naqty aýdarylǵan zeinetaqy jarnalarynyń bastapqy mólsherde saqtalýyna kepildik beredi.
Ministrlik buǵan deiin salymshylardyń zeinetaqy jinaqtaryn investitsiialaý protsesine tikelei yqpal etý múmkindigi shekteýli bolǵanyn atap ótti. Investitsiialyq saiasatty memleket aiqyndaǵandyqtan, investitsiialyq kiris infliatsiia deńgeiinen tómen bolǵan jaǵdaida týyndaityn aiyrmany memleket ótep kelgen.
Qazir azamattardyń zeinetaqy aktivterin basqaratyn kompaniiany jáne investitsiialaý strategiiasyn tańdaý múmkindigi keńeiip keledi. Osyǵan bailanysty memlekettik kepildikti burynǵy tártippen qoldanýdyń bastapqy negizi ózgerip otyr.
Sonymen qatar zeinetaqy aktivterin basqarý júiesi memlekettik baqylaýda qala beredi.
Qazaqstan Prezidenti basqaratyn Ulttyq qordy basqarý jónindegi keńes investitsiialyq saiasattyń negizgi baǵyttaryn aiqyndap, aktivterdi basqarýdyń tiimdiligin arttyrý jónindegi usynystardy qaraidy jáne investitsiialaý nátijeleri týraly esepterdi tyńdaidy.
Al Ulttyq bank zeinetaqy aktivterin investitsiialaýǵa ruqsat etilgen qarjy quraldarynyń tizimin qalyptastyrady. Úkimet investitsiialyq saiasattyń negizgi tásilderi men parametrlerin bekitedi.
