كرەاتيۆتٸ يندۋسترييالاردى دامىتۋ قورى QazaqCreative بٸرىڭعاي تسيفرلىق پلاتفورماسىن ٸسكە قوستى. قر مەدەنيەت جەنە اقپارات مينيسترلٸگٸنٸڭ مەلٸمەتٸنشە, جاڭا تسيفرلىق پلاتفورما كرەاتورلارعا مەملەكەتتٸك قولداۋ تەتٸكتەرٸن بٸر جٷيە ارقىلى پايدالانۋعا مٷمكٸندٸك بەرەدٸ, دەپ حابارلايدى ult.kz.
پلاتفورما جەكە جەنە زاڭدى تۇلعالاردىڭ پايدالانۋىنا ارنالعان. ولاردىڭ قاتارىندا اۆتورلار, ديزاينەرلەر, سۋرەتشٸلەر, فوتوگرافتار, مۋزىكانتتار, قولٶنەرشٸلەر جەنە ٶزگە دە كرەاتورلارمەن قاتار, شىعارماشىلىق ستۋدييالار, بٸرلەستٸكتەر, اگەنتتٸكتەر, پروديۋسەرلٸك ورتالىقتار مەن كرەاتيۆتٸ يندۋسترييا سالاسىندا جۇمىس ٸستەيتٸن ۇيىمدار بار.
ەندٸ كرەاتيۆتٸ يندۋسترييا ٶكٸلدەرٸ www.qazaqculture.com پورتالىنداعى QazaqCreative بٶلٸمٸ ارقىلى تٸركەلٸپ, جەكە كابينەتٸن اشىپ, پلاتفورماداعى تسيفرلىق سەرۆيستەردٸ پايدالانا الادى.
تٸركەۋدەن ٶتكەن پايدالانۋشىلار ٶز پروفيلٸن باسقارۋعا, جوبالارى مەن كٶرسەتەتٸن قىزمەتتەرٸ تۋرالى اقپارات ورنالاستىرۋعا, حابارلامالار الۋعا جەنە مەملەكەتتٸك قولداۋ باعدارلامالارىنا قاتىسۋعا ٶتٸنٸم بەرەدٸ.
QazaqCreative پلاتفورماسىندا گرانت باعدارلامالارى, جوبالاردى قارجىلاندىرۋ تەتٸكتەرٸ, بٸلٸم بەرۋ جەنە اكسەلەراتسييالىق باعدارلامالار, كونسۋلتاتسييالىق, ساراپتامالىق, اقپاراتتىق ەرٸ تسيفرلىق قولداۋ قۇرالدارىنا دەيٸنگٸ اقپارات ۇسىنىلادى. سونداي-اق پايدالانۋشىلار بايقاۋلارعا, پيتچينگ سەسسييالارىنا, فورۋمدارعا, كٶرمەلەرگە جەنە ٶزگە دە سالالىق ٸس-شارالارعا قاتىسا الادى.
پلاتفورماعا تٸركەلۋ ٷشٸن www.qazaqculture.com پورتالىنداعى QazaqCreative بٶلٸمٸنە ٶتٸپ, تٸركەۋ نىسانىن تولتىرىپ, قاجەتتٸ مەلٸمەتتٸ ەنگٸزۋ قاجەت. مودەراتسييادان ٶتكەننەن كەيٸن پايدالانۋشىنىڭ جەكە كابينەتٸ اشىلادى.
پلاتفورما ەلٸمٸزدەگٸ كرەاتورلاردىڭ ٶنٸمدەرٸ مەن قىزمەتتەرٸنە قىزىعۋشىلىق تانىتقان كٶپشٸلٸككە دە ارنالعان.
QazaqCreative پلاتفورماسى قازاقستاننىڭ كرەاتيۆتٸ ەكونوميكاسىنىڭ جەتٸلدٸرۋدەگٸ بٸرەگەي باستاما بولماق. الداعى ۋاقىتتا كرەاتيۆتٸ يندۋسترييالاردى دامىتۋ قورى ەلٸمٸزدەگٸ كرەاتورلاردى قولداۋ, شىعارماشىلىق كەسٸپكەرلٸكتٸ دامىتۋ, سالاداعى جوبالاردى ٸلگەرٸلەتۋ جەنە ۇلتتىق كرەاتيۆتٸ يندۋسترييانىڭ بەسەكەگە قابٸلەتتٸلٸگٸن ارتتىرۋ باعىتىنداعى جۇمىستاردى جالعاستىرادى.
