استانادا قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى ەرلان كاريننٸڭ تٶراعالىعىمەن «ەجەلگٸ دەۋٸردەن بٷگٸنگٸ كٷنگە دەيٸنگٸ قازاقستان تاريحى» اتتى جاڭا اكادەمييالىق جەتٸ تومدىقتىڭ جالپى رەداكتسييالىق القاسىنىڭ قورىتىندى وتىرىسى ٶتتٸ. جيىن بارىسىندا كٶپتومدىقتىڭ سوڭعى – «تەۋەلسٸز قازاقستان» اتتى جەتٸنشٸ تومى ماقۇلدانىپ, باسپاعا ۇسىنۋ تۋرالى شەشٸم قابىلداندى, دەپ حابارلايدى ult.kz.
جوبا مەملەكەت باسشىسى قاسىم-جومارت توقاەۆتىڭ «تەۋەلسٸزدٸك بەرٸنەن قىمبات» اتتى ماقالاسىندا جٷكتەلگەن مٸندەتتەر اياسىندا ەزٸرلەنگەن. باسىلىم ۇلى دالانىڭ مىڭجىلدىق تاريحىن كەشەندٸ زەردەلەۋگە, قازاق مەملەكەتتٸلٸگٸنٸڭ قالىپتاسۋى مەن دامۋ ساباقتاستىعىن عىلىمي تۇرعىدان نەگٸزدەۋگە جەنە ۇلتتىق تاريحتى جاڭا زەرتتەۋ ەدٸستەرٸ مەن تىڭ دەرەككٶزدەر نەگٸزٸندە قايتا پايىمداۋعا باعىتتالعان.
ەرلان كارين بۇل تەۋەلسٸز قازاقستان تاريحىنداعى ەڭ ٸرٸ عىلىمي جوبالاردىڭ بٸرٸ ەكەنٸن اتاپ ٶتتٸ. ونىڭ ايتۋىنشا, جەتٸ تومدىق بٸر جىلدىڭ ٸشٸندە دايىندالعان. جوباعا 350-دەن استام قازاقستاندىق جەنە 12 ەلدەن كەلگەن 56 شەتەلدٸك عالىم قاتىسقان.
سونداي-اق ول سوڭعى جىلدارى مەملەكەت باسشىسىنىڭ باستاماسىمەن التىن وردا تاريحىن زەرتتەۋ باعىتىندا اۋقىمدى جۇمىستار اتقارىلعانىن ايتتى. اتاپ ايتقاندا, جوشى حان كەسەنەسٸ ماڭىنداعى عىلىمي ورتالىقتىڭ قۇرىلىسى باستالىپ, جوشى ۇلىسىن زەرتتەۋ ينستيتۋتى قۇرىلعان, ال جەتٸ تومدىقتىڭ جەكە بٸر تومى التىن وردا تاريحىنا ارنالعان.
ەرلان كاريننٸڭ ايتۋىنشا, كٶپتومدىقتى ەزٸرلەۋ بارىسىندا قالىپتاسقان عىلىمي تۇجىرىمدار مەملەكەتتٸك دەڭگەيدەگٸ شەشٸمدەرگە دە نەگٸز بولعان. سونىڭ بٸرٸ – قازاقستان رەسپۋبليكاسى كونستيتۋتسيياسىنىڭ پرەامبۋلاسىنا «ۇلى دالانىڭ مىڭداعان جىلدىق مۇراسىن ساقتاي وتىرىپ» دەگەن قاعيدانىڭ ەنگٸزٸلۋٸ.
قورىتىندى وتىرىستا عىلىم جەنە جوعارى بٸلٸم مينيسترٸ ساياسات نۇربەك پەن رەداكتسييالىق القا مٷشەلەرٸ جەتٸنشٸ تومعا ەنگٸزٸلگەن تولىقتىرۋلار مەن تٷزەتۋلەردٸ تالقىلادى. بۇعان دەيٸن ايتىلعان بارلىق عىلىمي ەسكەرتۋلەر ەسكەرٸلٸپ, قولجازبا تولىق پىسىقتالعانى اتاپ ٶتٸلدٸ.
جيىن قورىتىندىسىندا رەداكتسييالىق القا اكادەمييالىق جەتٸ تومدىقتىڭ سوڭعى تومىن باسپاعا ۇسىنۋ تۋرالى شەشٸم قابىلداپ, جوباعا قاتىسقان عالىمدار مەن اۆتورلار ۇجىمىنا العىس بٸلدٸرٸلدٸ.
