مۋزارت توبىنىڭ ەنشٸسٸ سەكەن مايعازيەۆ يزرايلگە ساپارى كەزٸندە ٶمٸرٸنە قاۋٸپ تٶنگەن سەتتٸ ەسكە الدى. ونىڭ ايتۋىنشا, قاسيەتتٸ ەل-اقسا مەشٸتٸنە بارعان كەزدە يزرايل ەسكەرٸ مەن مۇسىلماندار اراسىندا شيەلەنٸستٸ جاعدايدىڭ كۋەسٸ بولعان, دەپ حابارلايدى ult.kz.
ٶنەر يەسٸنٸڭ سٶزٸنشە, مەشٸتكە كٸرۋ كەزٸندە قاۋٸپسٸزدٸك شارالارى كٷشەيتٸلٸپ, جاستاردىڭ كٸرۋٸنە شەكتەۋ قويىلعان. وسى سەتتە جينالعان جۇرت پەن ەسكەريلەر اراسىندا قاقتىعىس تۋىنداعان.
سەكەن مايعازيەۆ سول كەزدەگٸ كٶڭٸل كٷيٸن ايتىپ, تۋعان-تۋىستارى مەن وتباسىن ويلاپ, قاتتى الاڭداعانىن جەتكٸزدٸ. ونىڭ جانىندا اراب تٸلٸن مەڭگەرگەن امانگەلدٸ ەرەنعايىپ بولعان.
ەنشٸنٸڭ ايتۋىنشا, جاعداي ۋشىعا تٷسكەن كەزدە ولار ٶزدەرٸنٸڭ قازاقستاننان كەلگەن تۋريست ەكەنٸن ايتىپ, ەل اتاۋىن اتاعان. وسىدان كەيٸن ەسكەري قىزمەتكەرلەر ولارعا كەدەرگٸ كەلتٸرمەگەن. كەيٸنٸرەك قازاقستاندىق قوناقتار ەل-اقسا مەشٸتٸنە باسقا جول ارقىلى كٸرگٸزٸلگەن.
سەكەن مايعازيەۆتٸڭ بۇل ەستەلٸگٸ ەلەۋمەتتٸك جەلٸ قولدانۋشىلارى اراسىندا تٷرلٸ پٸكٸر تۋدىردى. بٸرٸ ونىڭ ەڭگٸمەسٸن قولداسا, ەندٸ بٸرٸ ەنشٸنٸڭ سٶزدەرٸنە قاتىستى سىن پٸكٸرلەرٸن بٸلدٸرگەن.
