2026 جىلعى 25 شٸلدەدەن باستاپ قازاقستان رەسپۋبليكاسى مەن بٸرٸككەن اراب ەمٸرلٸكتەرٸ اراسىندا جٷرگٸزۋشٸ كۋەلٸكتەرٸن ٶزارا تانۋ جەنە ايىرباستاۋ تۋرالى كەلٸسٸم كٷشٸنە ەندٸ. بۇل ەكٸ ەل ازاماتتارىنا ۇلتتىق جٷرگٸزۋشٸ كۋەلٸكتەرٸن پايدالانۋ مەن ايىرباستاۋ رەسٸمٸن ايتارلىقتاي جەڭٸلدەتەدٸ, دەپ حابارلايدى ult.kz.
كەلٸسٸمگە قازاقستاننىڭ ٸشكٸ ٸستەر مينيسترٸ ەرجان سادەنوۆتٸڭ باە-گە جۇمىس ساپارى بارىسىندا قول قويىلعان.
جاڭا تەرتٸپكە سەيكەس, بٸرٸككەن اراب ەمٸرلٸكتەرٸنە ۋاقىتشا بارعان قازاقستان ازاماتتارى جەرگٸلٸكتٸ زاڭناماعا ساي قازاقستاندىق جٷرگٸزۋشٸ كۋەلٸگٸن پايدالانا الادى. ال باە-گە تۇراقتى قونىس اۋدارعان جاعدايدا «B» ساناتى مەن «B1» كٸشٸ ساناتى بويىنشا تەورييالىق جەنە پراكتيكالىق ەمتيحان تاپسىرماي-اق جٷرگٸزۋشٸ كۋەلٸگٸن ايىرباستاۋعا مٷمكٸندٸك الادى.
دەل وسىنداي جەڭٸلدٸك قازاقستانعا تۇراقتى تۇرۋعا كٶشكەن باە ازاماتتارىنا دا بەرٸلەدٸ.
جٷرگٸزۋشٸ كۋەلٸگٸن ايىرباستاۋ ٷشٸن جارامدى ۇلتتىق جٷرگٸزۋشٸ كۋەلٸگٸ, قولدانىستاعى تۇرۋعا ىقتييارحات, قۇجاتتىڭ رەسمي اۋدارماسى جەنە مٸندەتتٸ مەديتسينالىق تەكسەرۋدەن ٶتكەنٸ تۋرالى انىقتاما قاجەت بولادى. بۇل رەتتە ۇلتتىق جٷرگٸزۋشٸ كۋەلٸگٸ تەركٸلەنبەيدٸ, ال ايىرباستاۋ رەسٸمٸ اياقتالعاننان كەيٸن ەكٸ ەلدٸڭ ۋەكٸلەتتٸ ورگاندارى بٸر-بٸرٸن تەك رەسٸمنٸڭ جٷرگٸزٸلگەنٸ تۋرالى حاباردار ەتەدٸ.
ايتا كەتەيٸك, جەڭٸلدەتٸلگەن تەرتٸپ تەك «B» جەنە «B1» ساناتتارىنا عانا قولدانىلادى. ال ٶزگە ساناتتاعى جٷرگٸزۋشٸ كۋەلٸكتەرٸ قابىلداۋشى مەملەكەتتٸڭ زاڭناماسىنا سەيكەس ايىرباستالادى.
ٸشكٸ ٸستەر مينيسترلٸگٸ ازاماتتاردى شەتەلدە جٷرگەن كەزدە قابىلداۋشى ەلدٸڭ زاڭدارىن ساقتاۋعا, قوعامدىق تەرتٸپتٸ قۇرمەتتەۋگە جەنە قازاقستاننىڭ وڭ حالىقارالىق بەدەلٸن قالىپتاستىرۋعا ٷلەس قوسۋعا شاقىردى.
