استانادا حيمييالىق زاتتار مەن ەسٸرتكٸ قۇرالدارىنىڭ زاڭسىز اينالىمىنا قارسى ٸس-قيمىل مەسەلەلەرٸنە ارنالعان قازاقستان مەن اقش ساراپشىلارىنىڭ ەكٸجاقتى كەڭەسٸ ٶتتٸ. كەزدەسۋدە زاماناۋي قاۋٸپ-قاتەرلەرگە قارسى بٸرلەسكەن ەرەكەتتەر, ۆەدومستۆوارالىق ٶزارا ٸس-قيمىل جەنە حالىقارالىق اقپارات الماسۋ تەتٸكتەرٸ تالقىلاندى, دەپ حابارلايدى ult.kz.
ٸس-شاراعا قازاقستاننىڭ باس پروكۋراتۋراسى, ۇلتتىق قاۋٸپسٸزدٸك كوميتەتٸ, ٸشكٸ ٸستەر, دەنساۋلىق ساقتاۋ, ەدٸلەت, قارجى مينيسترلٸكتەرٸ, قارجى مونيتورينگٸ اگەنتتٸگٸ, ۇلتتىق بانك ٶكٸلدەرٸ, سونداي-اق اقش-تىڭ استاناداعى ەلشٸلٸگٸ, اقش ەسٸرتكٸگە قارسى كٷرەس باسقارماسى (DEA) مەن اقش كەدەن جەنە شەكارا قىزمەتٸنٸڭ ماماندارى قاتىستى.
كەڭەس بارىسىندا ەسٸرتكٸ مەن پرەكۋرسورلاردىڭ زاڭسىز اينالىمىن انىقتاۋ جەنە ونىڭ جولىن كەسۋدٸڭ جاڭا تەسٸلدەرٸ, ٷلكەن دەرەكتەردٸ پايدالانۋ, تەۋەكەلدەردٸ تالداۋ جەنە جەدەل اقپارات الماسۋ مەسەلەلەرٸ قارالدى. سونىمەن قاتار اقش ۇلتتىق تارگەتينگ ورتالىعىنىڭ تەجٸريبەسٸ تانىستىرىلىپ, Chemex جٷيەسٸ ارقىلى حيمييالىق زاتتاردى باقىلاۋ تەتٸكتەرٸ تالقىلاندى.
قر ٸٸم ەسٸرتكٸ قىلمىسىنا قارسى ٸس-قيمىل كوميتەتٸ تٶراعاسىنىڭ مٸندەتٸن اتقارۋشى ەلدار ەبدٸكەنوۆتٸڭ ايتۋىنشا, قازٸرگٸ تاڭدا قىلمىستىق توپتار تسيفرلىق تەحنولوگييالار, كريپتوۆاليۋتالار, ينتەرنەت-پلاتفورمالار جەنە حالىقارالىق لوگيستيكالىق باعىتتاردى بەلسەندٸ پايدالانىپ كەلەدٸ. سوندىقتان مۇنداي قاۋٸپتەرگە قارسى كٷرەستە حالىقارالىق ىنتىماقتاستىقتىڭ رٶلٸ ارتىپ وتىر.
ونىڭ مەلٸمەتٸنشە, 2026 جىلدىڭ العاشقى التى ايىندا ەلٸمٸزدە تٶرت مىڭعا جۋىق ەسٸرتكٸگە قاتىستى قۇقىق بۇزۋشىلىق انىقتالعان. التى ۇيىمداسقان قىلمىستىق توپتىڭ قىزمەتٸ توقتاتىلىپ, ونىڭ بٸرەۋٸ ترانسۇلتتىق سيپاتتا بولعان. سونداي-اق سينتەتيكالىق ەسٸرتكٸ ٶندٸرەتٸن 15 جاسىرىن زەرتحانا جويىلىپ, زاڭسىز اينالىمنان شامامەن 10 توننا ەسٸرتكٸ تەركٸلەندٸ. ونىڭ ٸشٸندە 578 كەلٸدەن استامى سينتەتيكالىق ەسٸرتكٸ بولعان.
بۇدان بٶلەك, قۇقىق قورعاۋ ورگاندارى جەتكٸزۋ ارنالارى دەر كەزٸندە انىقتالعانىنىڭ ارقاسىندا زاڭسىز اينالىمعا 12 توننادان استام پرەكۋرسوردىڭ تٷسۋٸنە جول بەرمەگەن.
كەزدەسۋ قورىتىندىسىندا تاراپتار ەسٸرتكٸ قىلمىسىنا قارسى كٷرەس سالاسىنداعى ىنتىماقتاستىقتى ودان ەرٸ كەڭەيتۋگە, بٸرلەسكەن جۇمىس تەتٸكتەرٸن جەتٸلدٸرۋگە جەنە كەسٸبي تەجٸريبە الماسۋدى جالعاستىرۋعا ۋاعدالاستى.
