قازاقستان رەسپۋبليكاسىنىڭ سىرتقى ٸستەر مينيسترلٸگٸ قارا تەڭٸز اكۆاتوريياسىندا كاسپيي قۇبىرى كونسورتسيۋمى (كقك) ينفراقۇرىلىمى ارقىلى مۇناي تاسىمالداۋعا قاتىسقان ازاماتتىق كەمەلەرگە 17 جەنە 19 شٸلدەدە جاسالعان ۇشقىشسىز ۇشۋ اپپاراتتارىنىڭ شابۋىلدارىن قاتاڭ ايىپتادى, دەپ حابارلايدى ult.kz.
سٸم مەلٸمدەۋٸنشە, بۇل شابۋىلدار قازاقستاننىڭ ەكونوميكالىق مٷددەلەرٸنە جول بەرۋگە بولمايتىن قول سۇعۋشىلىق بولىپ سانالادى. سونداي-اق ولار زاڭدى حالىقارالىق ساۋدانى, جاھاندىق ەنەرگەتيكالىق نارىقتاردى جەنە حالىقارالىق كٶلٸك-لوگيستيكالىق جەتكٸزۋ تٸزبەكتەرٸنٸڭ قاۋٸپسٸزدٸگٸن تۇراقسىزداندىرۋعا باعىتتالعان قاساقانا ەرەكەت رەتٸندە باعالانعان.
مينيسترلٸك بۇعان دەيٸن بارلىق مٷددەلٸ تاراپتار كەلٸسكەن, قارا تەڭٸزگە كقك تەرمينالدارىنا مۇناي تيەۋ ٷشٸن كٸرەتٸن ازاماتتىق كەمەلەر تۋرالى اقپارات الماسۋ تەتٸگٸنٸڭ ەدەيٸ ەسكەرٸلمەگەنٸنە ەرەكشە الاڭداۋشىلىق بٸلدٸردٸ. ۆەدومستۆونىڭ مەلٸمەتٸنشە, بۇل ازاماتتىق كەمەلەر ەكيپاجدارىنىڭ ٶمٸرٸ مەن قاۋٸپسٸزدٸگٸنە قاۋٸپ تٶندٸرگەن.
وسىعان بايلانىستى قازاقستان شابۋىلداردى دەرەۋ توقتاتۋدى جەنە قازاقستاندىق كٶمٸرسۋتەك شيكٸزاتىن ەكسپورتتاۋ ينفراقۇرىلىمىنىڭ قاۋٸپسٸزدٸگٸن قامتاماسىز ەتۋ ٷشٸن جان-جاقتى شارالار قابىلداۋدى تالاپ ەتتٸ.
سونىمەن قاتار, قازاقستان سەرٸكتەس مەملەكەتتەردٸ اتالعان شابۋىلداردى باتىل ايىپتاۋعا شاقىرىپ, بارلىق مٷددەلٸ تاراپتاردى وسىنداي وقيعالاردىڭ الدىن الۋعا باعىتتالعان ناقتى ٸس-شارالاردى بٸرلەسٸپ ەزٸرلەۋگە ٷندەدٸ.
قازٸرگٸ ۋاقىتتا قازاقستان كەلتٸرٸلگەن زالالعا جان-جاقتى باعالاۋ جٷرگٸزٸپ جاتىر. ونىڭ نەتيجەسٸ بويىنشا رەسپۋبليكا حالىقارالىق قۇقىقتا كٶزدەلگەن بارلىق تەتٸكتەردٸ, سونىڭ ٸشٸندە كەلتٸرٸلگەن شىعىندى ٶتەۋ تۋرالى تالاپ قويۋ قۇقىعىن پايدالانۋ مٷمكٸندٸگٸن قاراستىرادى.
سىرتقى ٸستەر مينيسترلٸگٸ قازاقستان قاقتىعىستاردى بەيبٸت جولمەن رەتتەۋدٸ قولدايتىنىن, حالىقارالىق قۇقىق قاعيداتتارىن, كەمە قاتىناسى ەركٸندٸگٸن جەنە حالىقارالىق كٶلٸك-لوگيستيكالىق ەرٸ ەنەرگەتيكالىق باعىتتاردىڭ تۇراقتى جۇمىسىن قامتاماسىز ەتۋ ۇستانىمىنا ادال ەكەنٸن اتاپ ٶتتٸ.
