فوتو: Qarmet
ٶندٸرٸستٸ جاڭعىرتۋ باعدارلاماسى اياسىندا Qarmet مەتاللۋرگييا كومبيناتىندا دومنا ٶندٸرٸسٸن تابيعي گازعا كٶشٸرۋ اياقتالدى. گاز قۇبىرىنىڭ قۇرىلىسى 2024 جىلى باستالىپ, 2025 جىلدىڭ تامىزىندا №2 دومنا پەشٸنە العاش رەت گاز بەرٸلدٸ. قىركٷيەكتە №3 پەش قوسىلدى, ال قازان ايىنىڭ سوڭىندا – №4 پەشتە گازعا اۋىستىرىلدى. وسىلايشا, بٷگٸندە Qarmet كومپانيياسىنىڭ بارلىق دومنا پەشتەرٸ تولىقتاي تابيعي گازبەن جۇمىس ٸستەيدٸ.
گاز تارتۋ جوباسىنىڭ باستى ماقساتتارىنىڭ بٸرٸ – مازۋتتان تولىق باس تارتىپ, ەكولوگييالىق ەرٸ تيٸمدٸ وتىن كٶزٸنە كٶشۋ. مەتاللۋرگتەر تەۋلٸگٸنە 250 توننادان استام مازۋتتى پايدالانۋدى توقتاتتى. قازٸر ماماندار كوكستى تۇتىنۋدى ازايتۋعا كٶڭٸل بٶلۋدە: №3 پەشتە بۇل كٶرسەتكٸش تونناسىنا 500 كيلوگرامنان تٶمەن دەڭگەيگە جەتتٸ, ال №2 جەنە №4 پەشتەردە تەحنولوگييالىق رەجيمدەر باپتالۋدا. جەلتوقسانعا قاراي بارلىق اگرەگاتتار بويىنشا وسىنداي نەتيجەگە قول جەتكٸزۋ جوسپارلانىپ وتىر.
«مەن دومنا تسەحىندا 25 جىل جۇمىس ٸستەيمٸن, جەنە العاش رەت تابيعي گاز پايدالاندىق. قازٸر ٷيرەنٸپ جاتىرمىز, نەتيجەسٸ دە كٶرٸنٸپ تۇر. ٶنٸمدٸلٸك ارتتى, كوكستىڭ شىعىنى ازايدى, بۇل شويىننىڭ ٶزٸندٸك قۇنىن تٶمەندەتتٸ. بۇل – ٷلكەن جەتٸستٸك», — دەدٸ №4 دومنا پەشٸنٸڭ ٶندٸرٸستٸك ۋچاسكە باستىعى اسحات سەرٸكباەۆ.
2026 جىلى تابيعي گازعا ەكتاس كٷيدٸرۋ تسەحىن, كونۆەرتەرلٸك تسەحتى, مىرىشتاۋ جەلٸلەرٸن جەنە جىلۋ ەلەكتر ورتالىقتارىن كٶشٸرۋ جوسپارلانعان. بۇل شىعىنداردى ازايتۋعا, ٶندٸرٸستٸڭ تۇراقتىلىعى مەن ەكولوگييالىق تيٸمدٸلٸگٸن ارتتىرۋعا مٷمكٸندٸك بەرەدٸ. نەتيجەسٸندە Qarmet قازاقستانداعى ەڭ ەنەرگييا ٷنەمدەۋشٸ ەرٸ زاماناۋي مەتاللۋرگييالىق كەسٸپورىنداردىڭ بٸرٸنە اينالماق.
