قاراعاندىدا ٶزٸن "ەمشٸ" ەرٸ "بالگەر" رەتٸندە تانىستىرعان ٷش ەيەل 78 جاستاعى زەينەتكەردٸ الداپ, ونىڭ 15 ميلليون تەڭگە تۇراتىن التىن بۇيىمدارى مەن اقشاسىن يەمدەنٸپ كەتكەن. بۇل تۋرالى ٸٸم حابارلايدى, دەپ جازادى ult.kz.
پوليتسەيلەر كٷدٸكتٸلەردٸ جەدەل-ٸزدەستٸرۋ شارالارى بارىسىندا قولعا تٷسٸردٸ.
وقيعا ٶتكەن جىلدىڭ جەلتوقسان ايىندا بولعان. ٷيٸنە قايتىپ بارا جاتقان قاريياعا كٶشەدە ٷش بەيتانىس ەيەل جولىعىپ, ەڭگٸمەگە تارتقان. العاشىندا ولار ستوماتولوگيياعا اپاراتىن جولدى سۇراپ, كەيٸن زەينەتكەردٸڭ سەنٸمٸنە كٸرٸپ, پسيحولوگييالىق قىسىم كٶرسەتۋگە كٶشكەن.
كٷدٸكتٸلەردٸڭ بٸرٸ ەيەلگە "جاقىن ادامى سالعان ەسكٸ قارعىس بار" ەكەنٸن ايتىپ, ەگەر ونى دەرەۋ قايتارماسا, ٶزٸنە قىمبات ادامنىڭ ٶمٸرٸنە قاۋٸپ تٶنەتٸنٸن جەتكٸزگەن. وسىنداي ٷرەيلٸ سٶزدەرگە سەنگەن زەينەتكەر الاياقتاردىڭ ەربٸر نۇسقاۋىن بۇلجىتپاي ورىنداعان.
وقي وتىرىڭىز: تويدا ۋاعىز ايتقان ادامنىڭ ٷستٸنەن ۇقك-گە ارىز تٷستٸ
ەيەلدەر الدىمەن "تازارتاتىن ينە" ساتىپ الۋدى ۇسىنىپ, تٷرلٸ ىرىم-جورالعىلاردى جاساعان. كەيٸن ٷيٸنەن شيكٸ جۇمىرتقا ەكەلۋدٸ سۇراپ, سوڭىندا قارعىستان ارىلۋ ٷشٸن بارلىق التىن بۇيىمدارى مەن اقشاسىن گازەتكە وراپ بەرۋدٸ تالاپ ەتكەن. ٶز كەزەگٸندە ولار مٶرلەنگەن تٷيٸنشەك ۇستاتىپ, ونى 40 كٷن ٶتكەن سوڭ عانا اشىپ, ٸشٸندەگٸسٸن ٶرتەپ, كٷلٸن سول جەرگە ەكەلۋ كەرەكتٸگٸن ايتقان.
الايدا سول تٷنٸ-اق كٷمەندانعان زەينەتكەر تٷيٸنشەكتٸ اشىپ كٶرگەندە, ٸشٸندە بوس قاعاز عانا جاتقانىن انىقتايدى. وسىلايشا جالپى قۇنى 15 ميلليون تەڭگەنٸ قۇرايتىن التىن ەشەكەيلەرٸ مەن جيناعان قاراجاتى قولدى بولعان.
جەبٸرلەنۋشٸنٸڭ بەرگەن ناقتى سيپاتتامالارىنىڭ ارقاسىندا قاراعاندى وبلىسى پوليتسييا دەپارتامەنتٸنٸڭ كريمينالدىق پوليتسييا قىزمەتكەرلەرٸ كٷدٸكتٸلەردٸڭ ٸزٸنە تٷستٸ. تەرگەۋ بارىسىندا ولاردىڭ پاۆلودار جەنە الماتى قالالارىنىڭ, سونداي-اق جەتٸسۋ وبلىسىنىڭ تۇرعىندارى ەكەنٸ جەنە وسىعان ۇقساس الاياقتىق ەرەكەتتەرگە بۇرىن دا قاتىسى بولۋى مٷمكٸن ەكەنٸ انىقتالدى.
تٸركەلگەن مەكەنجايلارى بويىنشا جٷرگٸزٸلگەن ٸزدەستٸرۋ جۇمىستارى نەتيجە بەرمەگەنٸمەن, جەدەل اقپارات نەگٸزٸندە كٷدٸكتٸلەردٸڭ تەمٸرتاۋ قالاسىندا جٷرگەنٸ بەلگٸلٸ بولىپ, ولار ۇستالدى. كەيٸن جەبٸرلەنۋشٸ ولاردى قاراعاندى قالاسىنىڭ قازىبەك بي اتىنداعى پوليتسييا بٶلٸمٸندە تانىدى.
قازٸرگٸ ۋاقىتتا اتالعان دەرەك بويىنشا قاجەتتٸ تەرگەۋ ەرەكەتتەرٸ جٷرگٸزٸلۋدە. كٷدٸكتٸلەر ۋاقىتشا ۇستاۋ يزولياتورىنا قامالدى.
پوليتسەيلەر ازاماتتاردى ٶزٸن بالگەر, ەمشٸ نەمەسە كٶرٸپكەل رەتٸندە تانىستىرىپ, "قارعىستى قايتارامىز", "كٶز تيەمدٸ كەتٸرەمٸز" دەگەن جەلەۋمەن اقشا نەمەسە باعالى زاتتاردى تالاپ ەتەتٸن ادامدارعا سەنبەۋگە شاقىرادى. مۇنداي جاعدايدا بٸردەن پوليتسيياعا حابارلاۋ قاجەت.
