ۆلاديمير پۋتيننٸڭ ٷلكەن قىزى مارييا ۆورونتسوۆاعا تيەسٸلٸ دەلٸنگەن "نامەكو" مەديتسينالىق كومپانيياسى 2020 جىلى 839 ملن رۋبل (شامامەن 11 ملن دوللار) تابىس تاپقان. كومپانييا بىلتىر 21,4 ملن رۋبلعا (شامامەن 272 مىڭ دوللار) تاۋار ساتىپ, قىزمەت كٶرسەتكەن. وسىلايشا "نومەكو" كومپانيياسىنىڭ جىلدىق تابىسى – 3822 پايىزدى قۇراعان.
"سپارك-ينتەرفاكس" مەلٸمەتٸنشە, سالىق تٶلەگەننەن كەيٸن كومپانييانىڭ تازا تابىسى 600 ملن رۋبلگە (شامامەن 7,7 ملن دوللار) جەتكەن.
مەسكەۋ مەملەكەتتٸك ۋنيۆەرسيتەتٸنٸڭ تٷلەگٸ, مەديتسينا عىلىمىنىڭ كانديداتى مارييا ۆورونتسوۆا رەسەي پرەزيدەنتٸنٸڭ قىزى ەكەنٸن وسىعان دەيٸن The New Times, بي-بي-سي-دٸڭ ورىس قىزمەتٸ, Bloomberg اگەنتتٸكتەرٸ حابارلاعان.
2014 جىلعا دەيٸن ۆورونتسوۆا بالالار ەندوكرينولوگييا ينستيتۋتىنىڭ ورديناتۋراسىنان ٶتكەن. كەيٸنٸرەك "نومەكو" مەديتسينالىق كومپانيياسىنىڭ اكتسيونەرٸنە اينالعان. 2019 جىلى بي-بي-سي-دٸڭ ورىس قىزمەتٸ اتالعان كومپانييانىڭ "سوگاز مەديتسينا" كلينيكالار توبىمەن بٸرٸگٸپ, لەنينگراد وبلىسىندا مەديتسينالىق كەشەن سالۋمەن اينالىسىپ جاتقانىن حابارلاعان. سول كەزدە كەشەن "جابدىقتالۋى جاعىنان ەلەمدەگٸ العاشقى ٷش جەتەكشٸ كلينيكانىڭ قاتارىنا كٸرۋٸ تيٸس" دەپ حابارلاندى. جوبانىڭ قۇنى 40 ملرد رۋبلگە باعالانعان.
