رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ سىرتقى ٸستەر مينيسترٸ سەرگەي لاۆروۆتىڭ امەريكا ساياساتىنا قاتىستى "توپاس" سٶزٸن پايدالانۋىنا قالاي قارايسىز دەگەن سۇراققا "لاۆروۆقا كەز كەلگەن لەكسيكونمەن سٶيلەۋگە رۇقسات بەرٸلگەن" دەپ جاۋاپ بەردٸ.
پەسكوۆتىڭ پٸكٸرٸنشە, لاۆروۆ مەلٸمدەمەسٸ – اقش-تىڭ رەسەيگە قاتىستى "اگرەسسيياشىل" ساياساتىنا لايىق جاۋاپ بولىپ شىققان. "مينيستر ەدەتتەگٸدەي دٶپ تٷستٸ" دەدٸ پەسكوۆ.
اقپارات قۇرالدارىنىڭ جازۋىنشا, رەسەي سٸم بۇرىن دا تٷرلٸ لەكسيكونمەن سٶيلەپ, كٶزگە تٷسكەن. باسىلىمدار ونىڭ بۇرىن اقش-تاعى سايلاۋالدى كامپانيياسىن ايتقاندا "پۋسس" (كٶبٸك) سٶزٸن پايدالانعانىن, تٷرلٸ شەنەۋنٸكتەر مەن جوعارى لاۋازىمدى تۇلعالارعا قاراتا "ەسۋاس" (دەبيل), "جىندى" (دولبانىي پسيح), "اۋرۋ" (بولنىە) سيياقتى سٶزدەردٸ پايدالانعانىن ەسكە سالادى.
8 سەۋٸر كٷنگٸ قازاقستانعا ساپارى بارىسىندا لاۆروۆ اقش-تى سەنٸمسٸز وداقتاس دەپ اتاپ, ونىڭ رەسەيگە ساياساتىن سىناعان.
"بٸز تەك ٶزٸمٸزگە عانا سەنۋٸمٸز كەرەك, سەبەبٸ اقش تا, ولاردىڭ وداقتاستارى دا سەنٸمدٸ سەرٸك ەمەس. مەملەكەت ٷشٸن ماڭىزدى سەتتەردە بٸز ولارعا يەك ارتا المايمىز" دەدٸ لاۆروۆ.
قازاقستاننىڭ رەسمي ورگاندارىنىڭ سايتتارى لاۆروۆتىڭ باتىسقا قارسى مەلٸمدەمەلەرٸ تۋرالى جازبادى.
قازاقستان سٸم سايتىندا جارييالانعان اقپارات بويىنشا, ەكٸ ەلدٸڭ سىرتقى ٸستەر مينيسترلەرٸ ساياسات, ەكونوميكا, ەسكەري تەحنيكا, كٶلٸك ترانزيتٸ, ەنەرگەتيكا سالالارى مەن حالىقارالىق ۇيىمدار, ايماقتىق ينتەگراتسييالىق بٸرلەستٸكتەر اياسىنداعى ىنتىماقتاستىعىن تالقىلاعان.
