رەسەي پرەزيدەنتٸ ۆلاديمير پۋتين زەينەتاقى رەفورماسى تۋرالى زاڭ جوباسىنا قول قويدى. بۇل تۋرالى كرەملدٸڭ رەسمي سايتى حابارلادى.
زاڭ بويىنشا, ەرلەردٸڭ زەينەتكە شىعۋ جاسى كەزەڭ-كەزەڭٸمەن 65-كە دەيٸن, ال ەيەلدەردٸڭ زەينەت جاسى 60-قا دەيٸن ۇزارادى. مەرزٸمٸنەن بۇرىن زەينەتكە شىعۋ ٷشٸن ەرلەردٸڭ 42 جىل, ەيەلدەردٸڭ 37 جىل ەڭبەك ٶتٸلٸ بولۋى تيٸس.
زاڭدى قازاننىڭ 3-ٸندە رەسەي فەدەراتسييا كەڭەسٸ, قىركٷيەكتٸڭ 26-سىندا مەملەكەتتٸك دۋما ماقۇلداعان.
شٸلدەدە رەسەي پارلامەنتٸ ەلدەگٸ ازاماتتاردىڭ زەينەتكە شىعۋ جاسىن ۇلعايتۋدى, ياعني ەيەلدەر ٷشٸن - 63 جاس, ال ەرلەرگە - 65 جاس دەپ بەلگٸلەۋدٸ كٶزدەيتٸن ٷكٸمەت ەزٸرلەگەن زاڭ جوباسىن بٸرٸنشٸ وقىلىمدا ماقۇلداعان ەدٸ. ٷكٸمەت رەفورماسىنا قارسىلىق تانىتقان تۇرعىندار رەسەيدٸڭ ونداعان قالاسىندا نارازىلىق اكتسييالارىنا شىققان. قوعامدىق ساۋالناما نەتيجەلەرٸ رەسەي پرەزيدەنتٸ ۆلاديمير پۋتيننٸڭ رەيتينگٸ كٷرت تٶمەندەگەنٸن كٶرسەتكەن. پۋتين 29 تامىزدا ٶتكەن تٸكەلەي ەفير كەزٸندە ەيەلدەردٸڭ زەينەتكە شىعۋ جاسىن ٷكٸمەت جوسپارلاعان سەگٸز جىلدىڭ ورنىنا بەس جىلعا ۇزارتۋدى جەنە ٷش نەمەسە ودان دا كٶپ بالالى انالاردى زەينەتكە ەرتەرەك شىعارۋدى ۇسىنعان.
قازان ايىنىڭ باسىندا پۋتين زەينەتاقى رەفورماسىنا ٶزٸ ەنگٸزگەن تٷزەتۋ بيۋدجەت قارجىسىن ٷنەمدەمەيتٸنٸن, كەرٸسٸنشە, قوسىمشا شىعىنعا باتىراتىنىن مەلٸمدەگەن. ٷكٸمەت ەۋەلدە زەينەتكەرلٸك جاسىن ۇلعايتۋدان ٷنەمدەلگەن قارجىنى قازٸرگٸ زەينەتاقى كٶلەمٸن كٶبەيتۋگە جۇمساماق بولعان.
