رەسەي پرەزيدەنتٸ ۆلاديمير پۋتين 6 قىركٷيەكتە ٶزبەكستانعا قايتىس بولعان پرەزيدەنت يسلام كاريموۆتى ەسكە الۋ ٷشٸن باراتىنىن مەلٸمدەدٸ. پۋتين كاريموۆتىڭ ٶلٸمٸن "ٶزبەكستان ٷشٸن ورنى تولماس قايعى" دەپ اتادى. پۋتين قىتايدا ٶتكەن G20 ەلدەرٸنٸڭ سامميتٸ كەزٸندە جۋرناليستەرمەن سٶيلەسكەنٸندە ٶزبەكستاننىڭ جاڭا باسشىلىعى ەلدەگٸ تۇراقتىلىقتى ساقتاپ قالا الاتىنىنان ٷمٸتتٸ ەكەنٸن بٸلدٸردٸ.
ٶزبەكستان پرەزيدەنتٸ يسلام كاريموۆتٸڭ 78 جاسىندا ينسۋلتتەن قايتىس بولعانى قىركٷيەكتٸڭ 2-سٸ كٷنٸ حابارلاندى. ونى سامارقانداعى حازرەت قىزىر مەشٸتٸ اۋلاسىنداعى شاحي-زيندا بەيٸتٸندە, اتا-اناسىنىڭ جانىنا قىركٷيەكتٸڭ 3-ٸ كٷنٸ جەرلەدٸ.
بۇرىنعى كوممۋنيست يسلام كاريموۆ ٶزبەكستاندى 27 جىل بويى باسقاردى. كاريموۆتٸڭ كەزٸندە ساياسي ديسسيدەنتتەر مەن ازاماتتىق بەلسەندٸلەردٸ ارنايى قاۋٸپسٸزدٸك جەنە بارلاۋ ورگاندارى اياۋسىز قۋدالاپ, جانىشتاۋمەن بولدى.
"ونىڭ ەلٸ ٷشٸن نە ٸستەگەنٸن ەلٸ دە باعالاۋ كەرەك. ٶزبەكستاننىڭ جاڭا زامان تاريحىنداعى تٷرلٸ سەتتەرٸن ەرتٷرلٸ باعالاۋعا بولادى, بٸراق ول ەلدە تۇراقتىلىق پەن ٸلگەرٸ دامۋدى ساقتادى" دەدٸ پۋتين كاريموۆ تۋرالى.
رەسەي پرەزيدەنتٸ سونىمەن قاتار "بۇل ٶزبەكستان سيياقتى ەل ٷشٸن ٶتە ماڭىزدى, مۇنىڭ ٶزبەكستاننىڭ ٶزٸن-ٶزٸ ساقتاۋى جەنە كەلەشەكتە ٸلگەرٸ دامۋى ٷشٸن ٶمٸرلٸك ماڭىزى بار" دەدٸ. پۋتين بۇعان قوسا رەسەي مەن ٶزبەكستان اراسىنداعى جاقسى قارىم-قاتىناس ساقتالادى دەگەن ٷمٸتتە ەكەنٸن بٸلدٸردٸ.
"ازاتتىق"
