رەسەي پرەزيدەنتٸ ۆلاديمير پۋتين ورتالىق ازيياداعى ٷش مەملەكەتكە ساپارى اياسىندا 28 اقپان كٷنٸ بٸشكەكتە قىرعىزستان پرەزيدەنتٸ المازبەك اتامباەۆپەن كەزدەستٸ. ەكٸ ەل باسشىسى بٸرلەسكەن باسپاسٶز كونفەرەنتسيياسىن ٶتكٸزٸپ, رف مەن قىرعىزستان اراسىنداعى ەرٸپتەستٸك مەسەلەلەرٸن تالقىلادى.
كەزدەسۋدە كانت قالاسىندا رەسەيلٸك ەسكەري بازانى كەڭەيتۋ مەسەلەسٸ تالقىلانباعان - مەملەكەت باسشىلارى قىرعىز ەسكەرٸن نىعايتۋ جەنە قارۋ-جاراق جەتكٸزۋ مەسەلەلەرٸن قاراعان. اتامباەۆتىڭ ايتۋىنشا, رەسەي قىرعىزستان قارۋلى كٷشتەرٸن نىعايتۋعا كٶمەكتەسكٸسٸ كەلەدٸ. پۋتين كانت قالاسىنداعى رەسەيلٸك بازانىڭ پايدا بولۋ تاريحىن ەسكە سالىپ ٶتتٸ.
"ول قىرعىز باسشىلىعىنىڭ سۇراۋىمەن 1999-2000 جىلدارى پايدا بولدى. سول كەزدە قىرعىزستان حالىقارالىق تەرروريستەردٸڭ شابۋىلدارىنا تاپ بولدى, ولار مۇندا اۋعانستاننان كەلگەن ەدٸ. سوسىن قىرعىزستان باسشىلىعى مەنەن تەز ارادا ەسكەري كونتينگەنت ورنالاستىرۋىمدى سۇرادى", - دەدٸ ول.
ۆلاديمير پۋتيننٸڭ مەلٸمدەۋٸنشە, رەسەي قىرعىزستان ٶتٸنٸشٸمەن بازانى الىپ كەتۋگە دايىن. "قىرعىزستان قارۋلى كٷشتەرٸن جەتكٸلٸكتٸ دەڭگەيدە نىعايتتىق, بازا ەندٸ قاجەت ەمەس دەيتٸن بولسا, وندا بٸز سول كٷنٸ كەتەمٸز", - دەدٸ رەسەي باسشىسى.
ۇلت پورتالى
