Resei prezidenti Vladimir Pýtin Ortalyq Aziiadaǵy úsh memleketke sapary aiasynda 28 aqpan kúni Bishkekte Qyrǵyzstan prezidenti Almazbek Atambaevpen kezdesti. Eki el basshysy birlesken baspasóz konferentsiiasyn ótkizip, RF men Qyrǵyzstan arasyndaǵy áriptestik máselelerin talqylady.
Kezdesýde Kant qalasynda reseilik áskeri bazany keńeitý máselesi talqylanbaǵan - memleket basshylary qyrǵyz áskerin nyǵaitý jáne qarý-jaraq jetkizý máselelerin qaraǵan. Atambaevtyń aitýynsha, Resei Qyrǵyzstan qarýly kúshterin nyǵaitýǵa kómekteskisi keledi. Pýtin Kant qalasyndaǵy reseilik bazanyń paida bolý tarihyn eske salyp ótti.
"Ol qyrǵyz basshylyǵynyń suraýymen 1999-2000 jyldary paida boldy. Sol kezde Qyrǵyzstan halyqaralyq terroristerdiń shabýyldaryna tap boldy, olar munda Aýǵanstannan kelgen edi. Sosyn Qyrǵyzstan basshylyǵy menen tez arada áskeri kontingent ornalastyrýymdy surady", - dedi ol.
Vladimir Pýtinniń málimdeýinshe, Resei Qyrǵyzstan ótinishimen bazany alyp ketýge daiyn. "Qyrǵyzstan qarýly kúshterin jetkilikti deńgeide nyǵaittyq, baza endi qajet emes deitin bolsa, onda biz sol kúni ketemiz", - dedi Resei basshysy.
Ult portaly
