مەسكەۋ ورتالىعىندا ەر ادام رەسەي پرەزيدەنتتٸگٸنە كانديدات كسەنييا سوبچاكقا سۋ شاشىپ جٸبەردٸ. وقيعانىڭ ۆيدەوسى ينتەرنەتتە جارييالاندى, دەپ حابارلايدى ۇلت.كز تٸلشٸسٸ sputniknews.kz اگەنتتٸگٸنە سٸلتەمە جاساپ.
كادردان وقيعانى شابۋىلداۋشىنىڭ ٶزٸ ۆيدەوعا تٷسٸرٸپ العانى بايقالادى. ول سوبچاكقا تۇرا ۇمتىلىپ, "كسەنييا اناتولەۆنا, بۇل سٸزگە جيرينوۆسكيي ٷشٸن!" دەپ ايقايلاپ, ونىڭ ٷستٸنە سۋ قۇيىپ جٸبەرەدٸ. زارداپ شەگۋشٸ سۋ تٶگٸلگەن ەدەنگە تايىپ جىعىلعان.
وقيعا ميحايل گورباچەۆتىڭ تۋعان كٷنٸن تويلاۋ كەزٸندە بولعان.
ريا نوۆوستيدٸڭ مەلٸمەتٸنشە, شابۋلىداعان جٸگٸت ۇستالىپ, ونىڭ كٸم ەكەنٸ انىقتالدى.
ەستەرٸڭٸزگە سالا كەتەيٸك, "روسسييا-1" تەلەارناسىنداعى پٸكٸرسايىس بارىسىندا كسەنييا سوبچاك پەن رەسەي ليبەرالدى-دەموكراتييالىق پارتيياسىنىڭ (لدپر) باسشىسى ۆلاديمير جيرينوۆسكيي اراسىندا داۋ شىققان بولاتىن. سوبچاك تٸل تيگٸزگەنٸ ٷشٸن جيرينوۆسكييگە بٸر ستاقان سۋ شاشىپ جٸبەرگەن.
