Máskeý ortalyǵynda er adam Resei prezidenttigine kandidat Kseniia Sobchakqa sý shashyp jiberdi. Oqiǵanyń videosy internette jariialandy, dep habarlaidy Ult.kz tilshisi sputniknews.kz agenttigine silteme jasap.
Kadrdan oqiǵany shabýyldaýshynyń ózi videoǵa túsirip alǵany baiqalady. Ol Sobchakqa tura umtylyp, "Kseniia Anatolevna, bul sizge Jirinovskii úshin!" dep aiqailap, onyń ústine sý quiyp jiberedi. Zardap shegýshi sý tógilgen edenge taiyp jyǵylǵan.
Oqiǵa Mihail Gorbachevtyń týǵan kúnin toilaý kezinde bolǵan.
RIA Novostidiń málimetinshe, shabýlydaǵan jigit ustalyp, onyń kim ekeni anyqtaldy.
Esterińizge sala keteiik, "Rossiia-1" telearnasyndaǵy pikirsaiys barysynda Kseniia Sobchak pen Resei liberaldy-demokratiialyq partiiasynyń (LDPR) basshysy Vladimir Jirinovskii arasynda daý shyqqan bolatyn. Sobchak til tigizgeni úshin Jirinovskiige bir staqan sý shashyp jibergen.
