قازاقستان رەسپۋبليكاسىنىڭ ۇلتتىق بانكٸ ەلٸمٸزدەگٸ شاعىن جەنە ورتا كەسٸپ يەلەرٸن جەڭٸلدٸكپەن نەسيەلەۋدٸڭ جاڭا باعدارلاماسىن ەزٸرلەپ جاتىر, دەپ حابارلايدى قازاقپارات.
ايتا كەتسەك, قر ۇەم كەسٸپكەرلٸكتٸ دامىتۋ دەپارتامەنتٸنٸڭ ديرەكتورى شىڭعىس احمەتوۆ وكق-دا ونلاين رەجيمدە ٶتكەن باسپاسٶز مەسليحاتىندا «بيزنەستٸڭ جول كارتاسى – 2025» باعدارلاماسى شەڭبەرٸندە شاعىن جەنە ورتا بيزنەس يەلەرٸنە مەملەكەت قانداي قولداۋ شارالارىن كٶرسەتەتٸنٸن مەلٸم ەتكەن ەدٸ.
سونداي-اق دەپارتامەنت ديرەكتورى «قاراپايىم زاتتار ەكونوميكاسى» باعدارلاماسىنا دا قازٸرگٸ جاعدايعا بايلانىستى كٶپتەگەن سالانىڭ قوسىلاتىندىعىن اتاپ ٶتتٸ. «بٸز وسى باعدارلاما شەڭبەرٸندە قولدانىلاتىن سالالار تٸزبەسٸن كەڭەيتتٸك. مىسالى كٷرٸش ٶسٸرۋشٸلەر, ناۋبايلار, كونديتەرلٸك ٶنٸم ٶندٸرۋشٸلەر, جەڭٸل مەتالل كونسترۋكتسييالارىن جاساۋ سەكٸلدٸ سالالار وسى باعدارلاما شەڭبەرٸنە ەنگٸزٸلدٸ», - دەدٸ شىڭعىس احمەتوۆ.
دەپارتامەنت ديرەكتورى مەملەكەت باسشىسىنىڭ تاپسىرماسىنا سەيكەس باعدارلاما بويىنشا جوبالاردى قارجىلاندىرۋ ٷشٸن جالپى نەسيەلەۋ كٶلەمٸ 1 ترلن تەڭگەگە دەيٸن ۇلعايعانىن جەتكٸزدٸ. بۇرىن بۇل باعدارلاما شەڭبەرٸندە بٶلٸنگەن قاراجاتتىڭ كٶلەمٸ – 600 ملرد تەڭگە بولاتىن.
«1 ترلن تەڭگەنٸڭ ٸشٸندە 700 ملرد تەڭگە اگروٶنەركەسٸپ كەشەنٸ سالاسىنداعى ٶڭدەۋ مەن ٶندٸرۋگە, 300 ملرد تەڭگە ٶڭدەۋشٸ ٶنەركەسٸپ پەن قىزمەت كٶرسەتۋ سالاسىنا باعىتتالادى. سونىمەن بٸرگە مەملەكەت باسشىسىنىڭ تاپسىرماسىنا سەيكەس 100 ملرد تەڭگە كٶكتەمگٸ ەگٸس جۇمىستارىنا جٸبەرٸلەدٸ. «قاراپايىم زاتتار ەكونوميكاسى» باعدارلاماسى بويىنشا نەسيەنٸڭ 5 ملرد تەڭگەگە دەيٸن – كەپٸلدەندٸك مٶلشەرٸ 30 پايىزدى قۇرايدى. ەگەر قارجىلاندىرۋ سۇرانىسى 3 ملرد تەڭگەدەن اسپايتىن بولسا مەملەكەت تاراپىنان بەرٸلەتٸن كەپٸلدٸك 50 پايىزدى قۇرايدى», - دەدٸ ول.
شىڭعىس احمەتوۆ ٶز سٶزٸندە «بيزنەستٸڭ جول كارتاسى - 2025» جەنە «قاراپايىم زاتتار ەكونوميكاسى» باعدارلامالارى بويىنشا وپەراتور – «دامۋ» قورى بولىپ قالا بەرەتٸنٸن جەتكٸزدٸ.
«اتالعان شارالارمەن قاتار قر ۇلتتىق بانكٸ تٶتەنشە جاعداي كەزٸندە زارداپ شەككەن شاعىن جەنە ورتا بيزنەستٸ جەڭٸلدٸكپەن نەسيەلەۋدٸڭ جاڭا باعدارلاماسىن ٸسكە اسىرۋعا كٸرٸستٸ. وسى ماقساتقا 600 ملرد تەڭگە بٶلٸنەدٸ. نەسيە مەرزٸمٸ – 1 جىلعا دەيٸن 8 پايىزدىق مٶلشەرلەمەمەن اينالىم قاراجاتىن تولىقتىرۋعا بەرٸلەدٸ», - دەدٸ دەپارتامەنت ديرەكتورى.
