پرەزيدەنت قاسىم-جومارت توقاەۆ پرەمەر-مينيستر اسقار مامين مەن دەنساۋلىق ساقتاۋ مينيسترٸ الەكسەي تسويدى قابىلدادى, دەپ حابارلايدى اقوردا.
مەملەكەت باسشىسىنا ەلٸمٸزدەگٸ سانيتارلىق-ەپيدەميولوگييالىق احۋال, حالىققا ۆاكتسينا سالۋ بارىسى, رەسپۋبليكانىڭ ەلەۋمەتتٸك-ەكونوميكالىق دامۋىنىڭ ٶزەكتٸ مەسەلەلەرٸ جايىندا باياندالدى.
قاسىم-جومارت توقاەۆقا حالىققا ەكپە ەگۋگە قاتىستى قابىلدانىپ جاتقان شارالار جايىندا ايتىلدى. اسقار ماميننٸڭ ايتۋىنشا, سەۋٸردەن باستاپ اي سايىن 2 ميلليون ادامعا ۆاكتسينا سالۋ جوسپارلانىپ وتىر.
پرەزيدەنتكە وتاندىق QAZVAC ۆاكتسيناسىنىڭ ٶڭٸرلەرگە جەتكٸزٸلۋٸ جايىندا اقپارات بەرٸلدٸ. پرەمەر-مينيستر قازاقستاننىڭ COVID-19 ٸندەتٸنە قارسى ۆاكتسينا شىعارعان ون مەملەكەتتٸڭ جەنە ٶز ەزٸرلەمەلەرٸن تٸركەگەن بەس ەلدٸڭ قاتارىنا كٸرگەنٸن ايتتى. سونىمەن قاتار ول 26 سەۋٸردەن باستاپ «ASHYQ» قوسىمشاسىن بارلىق وبلىستار كەڭ كٶلەمدە قولدانىلا باستايتىنىن اتاپ ٶتتٸ. بۇل «قىزىل» جەنە «سارى» ايماق كەزٸندە ەكونوميكانىڭ ەرتٷرلٸ سەكتورىنىڭ قاۋٸپسٸز جۇمىس ٸستەۋٸنە مٷمكٸندٸك بەرمەك.
مەملەكەت باسشىسىنا بەرٸلگەن اقپاراتتارعا سەيكەس, جۇقپالى اۋرۋلار اۋرۋحاناسىنداعى ورىندار 42 پايىزعا, جان ساقتاۋ بٶلٸمدەرٸ 28 پايىزعا تولىق. دەرٸ-دەرمەكتٸڭ, جەكە قورعانىس قۇرالدارىنىڭ قاجەتتٸ قورى جاساقتالعان, پتر-زەرتحانالارى كٷنٸنە 123 مىڭ ادامعا دەيٸن قىزمەت كٶرسەتە الادى. 25 مىڭ تٶسەك-ورىن قورى بار, بارلىق ٶڭٸردە زاماناۋي قۇرالدارمەن جابدىقتالعان جاڭا جۇقپالى اۋرۋلار اۋرۋحانالارى جۇمىس ٸستەپ جاتىر.
اسقار مامين قاسىم-جومارت توقاەۆقا 29-30 سەۋٸر كٷندەرٸ ٶتەتٸن ەۋرازييالىق پارلامەنتارالىق كەڭەستٸڭ وتىرىسىنا دايىندىق بارىسىن باياندادى. سونىمەن قاتار ينۆەستيتسييا تارتۋ, حالىقتى جۇمىسپەن قامتۋ مەسەلەلەرٸ دە قاراستىرىلدى.
كەزدەسۋ سوڭىندا پرەزيدەنت ٷكٸمەتكە وتاندىق ۆاكتسينا ٶندٸرٸسٸن ارتتىرۋدى جەنە ونىڭ حالىققا قول جەتٸمدٸ بولۋىن ەرەكشە باقىلاۋدا ۇستاۋدى تاپسىردى.
ەسكە سالا كەتسەك, 22 سەۋٸردە قر پرەمەر-مينيسترٸنٸڭ ورىنباسارى ەرالى توعجانوۆ بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتى بازاسىندا ٶندٸرٸلگەن QazVac (QazCovid-in) قازاقستاندىق ۆاكتسيناسىنىڭ بٸرٸنشٸ پارتيياسىن جٶنەلتۋگە قاتىسقان بولاتىن.
QazVac ۆاكتسيناسىنىڭ العاشقى 50 مىڭ دوزاسى «سق-فارماتسييانىڭ» حابتارىنا تاراتىلىپ, ودان ەرٸ ەلٸمٸزدٸڭ بارلىق ٶڭٸرلەرٸندەگٸ دەنساۋلىق ساقتاۋ باسقارمالارىنىڭ قويمالارىنا جەتكٸزٸلەتٸن بولادى. اعىمداعى جىلعى 26 سەۋٸردە حالىقتى QazVac ۆاكتسيناسىمەن ۆاكتسيناتسييالاۋ باستالادى. مامىر ايىندا 50 مىڭ دوزا كٶلەمٸندەگٸ ۆاكتسينانىڭ كەزەكتٸ پارتيياسىن شىعارۋ جوسپارلانۋدا. بۇدان ەرٸ ۆاكتسينا ٶندٸرٸسٸ كەزەڭ-كەزەڭمەن ايىنا 500-600 مىڭ دوزاعا دەيٸن ۇلعايتىلاتىن بولادى.
