پرەزيدەنت قاسىم-جومارت توقاەۆ شەتەلدەن ٶكپەنٸ جاساندى جەلدەتۋ اپپاراتتارى پەن كەرەكتٸ دەرٸ-دەرمەكتٸ ەكەلگەن قوعام بەلسەندٸلەرٸنە قولداۋ بٸلدٸردٸ. اپپاراتتى شەتەلدەن ساتىپ العانىمەن بەلسەندٸلەر ونى ەلگە كٸرگٸزۋ پروبلەماسى بويىنشا مەملەكەت باسشىسىنان كٶمەك سۇراعان بولاتىن, دەپ حابارلايدى "ۇلت اقپارات".
جالپى ەلگە وسىناۋ قيىن كەزەڭدە كٶمەك كٶرسەتۋگە بەلگٸلٸ دٸنتانۋشى قايرات جولدىبايۇلى, اقىن اينۇر تۇرسىنباەۆا, بلوگەر ەرٸ جۋرناليست دەۋلەت مۇقاەۆ, جانات باقىت, دينارا سەتجان قاتارلى بەلسەندٸ ازاماتتار جۇمىلعان بولاتىن. وسى ازاماتتار ارنايى شوت اشىپ, حالىقتان جىلۋ جيناعان. تٷركييا مەن قىتايدان ٶكپەنٸ جاساندى جەلدەتۋ اپپاراتتارى مەن دەرٸ-دەرمەكتٸ ساتىپ العان ولار وسى كەرەك-جاراقتى ەلگە كٸرگٸزۋ مەسەلەسٸمەن بەتپە-بەت كەلگەن.
اينۇر تۇرسىنباەۆا مەن دەۋلەت مۇقاەۆ وسى پروبلەماعا بايلانىستى پرەزيدەنتتەن كٶمەك سۇراعان. ولاردىڭ ايتۋىنشا بۇل كەرەك-جاراقتاردى ەلگە كٸرگٸزٸپ, پايدالانۋ ٷشٸن «سك-فارماتسييا» كومپانيياسىنىڭ رۇقساتى كەرەك بولعان. مەملەكەت باسشىسى بەلسەندٸ ازاماتتاردىڭ ٷنٸنە قۇلاق اسىپ, ولارعا كٶمەك بەرٸلۋ كەرەكتٸگٸن تاپسىرعان. قاسىم-جومارت توقاەۆتىڭ قوعام بەلسەندٸلەرٸنە كٶمەك بەرەتٸنٸن باسپاسٶز حاتشىسى بەرٸك ۋەلي راستادى. وسىلايشا اينۇر تۇرسىنباەۆا مەن دەۋلەت مۇقاەۆ تٷركييادان ٶكپەنٸ جاساندى جەلدەتۋدٸڭ 225 اپپاراتىن ٶڭٸر-ٶڭٸرلەرگە تاراتپاق.
«سٷيٸنشٸ! قۇرمەتتٸ وقىرماندارىم! ساناۋلى ساعات ٸشٸندە بٸزدٸڭ جان-ايقايىمىز پرەزيدەنتكە جەتٸپ, مەسەلە وڭ شەشٸمٸن تاپتى. حالىقتان جينالعان اقشاعا الىنعان وتتەگٸ اپپاراتتارىن بٸز ٶزٸمٸز تاراتاتىن بولدىق. بٸزدٸڭ ەلەۋمەتتٸك جەلٸگە جارييالاعان پوستقا ٷنسٸز قالماي, بٸردەن مەسەلەنٸ شەشۋگە كٶمەكتەسكەن بارشا ازاماتقا العىسىمىزدى بٸلدٸرەمٸز», - دەپ جازدى دەۋلەت مۇقاەۆ كەشە كەشكە ينستاگرام پاراقشاسىنا.
بەلسەندٸلەر قاراجات جيناپ, ٶڭٸرلەرگە كەرەك-جاراقتى تاراتۋ ٸسٸن جالعاستىراتىندار ايتىپ جاتىر.
