قازاقستان پرەزيدەنتٸ قاسىم-جومارت توقاەۆ پارلامەنتتٸڭ بٸرلەسكەن وتىرىسىندا دەپۋتاتتاردىڭ قىزمەتٸنە جوعارى باعا بەرٸپ, ەل يگٸلٸگٸ جولىنداعى ەڭبەكتەرٸ ٷشٸن العىس ايتتى, دەپ حابارلايدى ult.kz.
مەملەكەت باسشىسى دەپۋتاتتاردىڭ ەل مٷددەسٸن قورعاپ, حالىقتىڭ تالاپ-تٸلەگٸن باتىل كٶتەرگەنٸن اتاپ ٶتتٸ.
«ەلٸمٸزدٸڭ يگٸلٸگٸ ٷشٸن ادال ەرٸ قاجىرلى ەڭبەك ەتتٸڭٸزدەر. جۇرتتىڭ مۇڭ-مۇقتاجىن باتىل كٶتەرٸپ, ۇلت مٷددەسٸن بەرٸنەن بيٸك قويا بٸلدٸڭٸزدەر. جاڭا كەزەڭ – جاڭا مٷمكٸندٸكتەر ۋاقىتى», – دەدٸ پرەزيدەنت.
سونداي-اق قاسىم-جومارت توقاەۆ دەپۋتاتتاردىڭ بٸر بٶلٸگٸ الداعى ۋاقىتتا قۇرىلتاي قۇرامىندا جۇمىسىن جالعاستىرىپ, ەل دامۋىنا ٷلەس قوسا بەرەتٸنٸنە سەنٸم بٸلدٸردٸ.
«دەپۋتاتتاردىڭ بٸرقاتارى قۇرىلتايعا ٶتٸپ, ەل يگٸلٸگٸ جولىندا ەڭبەك ەتە بەرەدٸ دەپ ويلايمىن. قازاقستان حالىق كەڭەسٸندە دە ٶزدەرٸڭٸزدەي سەنٸمدٸ, بٸلٸكتٸ ازاماتتار بولۋى كەرەك دەپ سانايمىن», – دەدٸ مەملەكەت باسشىسى.
پرەزيدەنت سٶز سوڭىندا «امانات» پارتيياسى فراكتسيياسىنا جەنە ونىڭ بارلىق مٷشەسٸنە سىندارلى ەرٸ جاسامپاز ۇستانىمى ٷشٸن ريزاشىلىعىن جەتكٸزدٸ.
«مەن بٷگٸن "امانات" پارتيياسى فراكتسيياسىنا جەنە بارلىق مٷشەلەرٸنە بەلسەندٸ, بايسالدى جەنە جاسامپاز ۇستانىمدارى ٷشٸن العىسىمدى ايتامىن», – دەدٸ قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا.
ايتا كەتەيٸك, 2026 جىلعى 1 شٸلدەدەن باستاپ قازاقستاندا جاڭا كونستيتۋتسيياعا سەيكەس پارلامەنتتٸڭ قوس پالاتالى جٷيەسٸ ٶز جۇمىسىن توقتاتادى. ەندٸ زاڭ شىعارۋ قىزمەتٸن بٸر پالاتالى ٶكٸلدٸ ورگان – قۇرىلتاي جٷزەگە اسىرادى. وسىعان بايلانىستى پارلامەنت پالاتالارىنىڭ بٸرلەسكەن وتىرىسى دەپۋتاتتاردىڭ قازٸرگٸ قۇرامداعى ٶكٸلەتتٸك مەرزٸمٸن قورىتىندىلاعان سوڭعى جيىن بولدى.
