Qazaqstan prezidenti Qasym-Jomart Toqaev Parlamenttiń birlesken otyrysynda depýtattardyń qyzmetine joǵary baǵa berip, el igiligi jolyndaǵy eńbekteri úshin alǵys aitty, dep habarlaidy ult.kz.
Memleket basshysy depýtattardyń el múddesin qorǵap, halyqtyń talap-tilegin batyl kótergenin atap ótti.
«Elimizdiń igiligi úshin adal ári qajyrly eńbek ettińizder. Jurttyń muń-muqtajyn batyl kóterip, ult múddesin bárinen biik qoia bildińizder. Jańa kezeń – jańa múmkindikter ýaqyty», – dedi Prezident.
Sondai-aq Qasym-Jomart Toqaev depýtattardyń bir bóligi aldaǵy ýaqytta Quryltai quramynda jumysyn jalǵastyryp, el damýyna úles qosa beretinine senim bildirdi.
«Depýtattardyń birqatary Quryltaiǵa ótip, el igiligi jolynda eńbek ete beredi dep oilaimyn. Qazaqstan halyq keńesinde de ózderińizdei senimdi, bilikti azamattar bolýy kerek dep sanaimyn», – dedi Memleket basshysy.
Prezident «Amanat» partiiasy fraktsiiasyna jáne onyń barlyq múshesine syndarly ári jasampaz ustanymy úshin rizashylyǵyn jetkizdi.
«Men búgin "Amanat" partiiasy fraktsiiasyna jáne barlyq múshelerine belsendi, baisaldy jáne jasampaz ustanymdary úshin alǵysymdy aitamyn», – dedi Qasym-Jomart Toqaev Parlament palatalarynyń birlesken otyrysynda.
Aita keteiik, 2026 jylǵy 1 shildeden bastap Qazaqstanda jańa Konstitýtsiiaǵa sáikes Parlamenttiń qos palataly júiesi óz jumysyn toqtatady. Endi zań shyǵarý qyzmetin bir palataly ókildi organ – Quryltai júzege asyrady. Osyǵan bailanysty Parlament palatalarynyń birlesken otyrysy depýtattardyń qazirgi quramdaǵy ókilettik merzimin qorytyndylaǵan sońǵy jiyn boldy.
